აღლაბიდები: განსხვავება გადახედვებს შორის

'''აღლაბიდები''' — [[არაბები|არაბთა]] ერთ-ერთი მმართველი დინასტია [[800]]-[[909]] წლებში. [[ისლამი]]ს პირველივე საუკუნეებიდან ხალიფატისაგან დამოკიდებულად [[ჩრდილოეთ აფრიკა|ჩრდილოეთ აფრიკასა]]სა და [[ესპანეთი]]ს სამხრეთით მრავალი დამოუკიდებელი სახელმწიფო იწყებს ჩამოყალიბებას. [[800]] წელს თანამედროვე [[ტუნისი]]ს ტერიტორიაზე წარმოიშვა ფაქტობრივად დამოუკიდებელი სახელმწიფო აღლაბიდებისა. აღლაბიდების დინასტიის დამაარსებელი გახლდათ [[იბრაჰიმ ალ-აღლაბი]] ([[800]]-[[812]] წწ.) აღლაბიდები იბრძოდნენ იმ ტომთა წინააღმდეგ, რომლებიც ხარიჯიზმის დროშის ქვეშ იბრძოდნენ და რომელთაც შექმნილი ჰქონდათ თაჰერის იმამათი. აღლაბიდთა სახელმწიფოს კულტურული ცენტრი გახლდათ ქალაქი [[ქაირუანი]]. ამ ქალაქის მახლობლად მდებარეობდა მათგანვე აგებული ციხე-სიმაგრე [[კასრ-ალ-კადიმი]] — რეზიდენცია აღლაბიდებისა. აღლაბიდებმა წარმატებული ბრძოლები ჩაატარეს [[ხმელთაშუა ზღვა|ხმელთაშუა ზღვის]] აუზის ქვეყნებში. წარმატებას მიაღწიეს, აგრეთვე, ეკონომიკურ და კულტურულ სფეროში. განავითარეს მიწათმოქმედება, ხელოსნობა, განავრცეს სანაოსნო და საქარავნო გზები, ტუნისის მთელ სანაპიროზე აიგო ციხე-სიმაგრეები. აღლაბიდების სახელმწიფომ [[შიიტობა|შიიტთა]] თავდასხმების შედეგად [[909]] წელს შეწყვიტა არსებობა.

== ლიტერატურა ==

* უნივერსალური ენციკლოპედიური ცნობარი, ტ. I, თბ., 2007

== რესურსები ინტერნეტში ==

* [http://archnet.org/library/dictionary/entry.jsp?entry_id=DIA0005&mode=full აღლაბიდები]