ლულუბეელები: განსხვავება გადახედვებს შორის

== ლულუბეელები ==

ზაგროსის მთიანეთში [[ასურეთის]] აღმოსავლეთით ძვ.წ. III ათასწლეულის შუა ხანებიდან I ათასწლეულის შუა ხანებამდე ცხოვრობდნენ და პოლიტიკურ ასპარეზზე აქტიურად ჩანდნენ ლულუბეელები. ამ ხალხის ისტორიის ძირითადი წყარო [[ბაბილონური]] და [[ასურული]] წარწერებია, სადაც 2000 წლის მანძილზე მრავალი ცნობა არსებობს მათ შესახებ. ლულუბეელები ნახსენები არიან ხეთურ და ურარტულ წყაროებშიც. ასურულ წყაროებში ლულუბი-ის სინონიმად ჩნდება ზამუა. ასურეთის მეფე [[სარგონ II]] (ძვ. წ. 722 - ძვ. წ. 705) აღნიშნავს, რომ ლულუბის ქვეყანას ზამუას ქვეყანას ეძახიანო. დადგენილია, რომ ამ ხალხის ადგილობრივი სახელწოდებაა ლულუბეელები. ზამუაც ასევე ადგილობრივი სახელია. გვიანი ასურული წარწერები ურმიის ტბას ზამუას ქვეყნის ზღვად მოიხსენიებს. ლულუბეელების ვრცელი ტერიტორია ესაზღვრებოდა [[ბაბილონს]], [[ასურეთს]], [[ელამს]], [[მითანს]], [[ურარტუს]], [[მანას]]. მეცნიერებმა დაადგინეს, რომ ისინი არც [[სემიტები]] არიან და არც [[ინდოევროპელები]]. მათი ენა მიეკუთვნება ანშანის ელამურ-ზაგროსულ ჯგუფს და სიახლოვეს ავლენს [[ქართულ ენასთან]] როგორც ფონეტიკურად, ისე სინტაქსურად და მორფოლოგიურად.