'''გიორგი II''', [[იმერეთი | იმერეთის მეფე]] [[1565]]-85[[1585]], [[ბაგრატ III | ბაგრატ III-ის]] ძე. მეფობის პირველ წლებში, ოდიშისა და გურიის მთავართა გათიშვის მიზნით, გიორგი II [[გურიელები | გურიელს]] დაუმოყვრდა. [[ლევან I დადიანი | ლევან I დადიანმა]] გიორგი II-ის ტახტიდან ჩამოგდება და მისი ბიძაშვილის [[ბატონიშვილი, ხოსრო |ხოსრო ბატონიშვილის]] გამეფება განიზრახა. მეფის წინააღმდეგ დადიანს შეუკავშირდა. ჭილაძეთა საგვარეულოს მეთაური [[ჭილაძე, ვარაზ | ვარაზ ჭილაძეც]]. [[1565]] იანეთთან მომხდარ ბრძოლაში გიორგი II-მ დაამარცხა დადიანი, მისი მომხრეები და [[საჯავახო | საჯავახო]] დაიპყრო. მეფის გაძლიერების შიშმა დადიანი და გურიელი შეაკავშირა. მათ შეერთებული ძალით წაართვეს გიორგი II-ს საჯავახო და შუაზე გაიყვეს. ამ შინაფეოდალური ომის გარდა გიორგი II-ს ბრძოლა უხდებოდა ოსმალო დამპყრობლების წინააღმდეგაც. [[1578]] მან ლიხის მთის სიმაგრეებთან დაამარცხა და უკუაგდო ლალაფაშას მიერ იმერეთის დასალაშქრად გამოგზავნილი რაზმი.