სინათლის წელიწადი (ჯგუფი): განსხვავება გადახედვებს შორის

ჯგუფი „სინათლის წელიწადი“ ჩამოაყალიბა გიგი გეგელაშვილმა 2004 წელს, თუმცა როკ-ჯგუფის ჩამოყალიბებას და საკომპოზიტორო მოღვაწეობას გიგი უკვე 2000 წლიდან იწყებს. 2001 წელს გიგიმ დაწერა სიმღერები კონცეპტუალური ალბომისთვის და ჩამოაყალიბა თავდაპირველი ჯგუფი პირობითი სახელწოდებით „საბა“, რომლის შემადგენლობა იყო შემდეგი: გიგი გეგელაშვილი (ავტორი, მუსიკალური/მხატვრული ხელმძღვანელი, ვოკალი, ფლეიტა აკუსტიკური გიტარა), დავით ყეინაშვილი (თანაავტორი, მუსიკალური/მხატვრული ხელმძღვანელი, კლავიში), ლაშა ივანიაშვილი (გიტარა) და ზაზა ცერცვაძე (დასარტყამი). ჯგუფი იწყებს მუშაობას ალბომის მომზადებაზე. 2002-2004 წლებში ხდება ჯგუფის რეორგანიზაცია: ჯგუფს ტოვებს გიტარისტი ლაშა ივანიაშვილი და ემატებაემატებიან მევიოლინეები ნათია ჩუგოშვილი და ელენე მეჩიტოვა, ასევე ჩელისტი გიორგი კიკაბიძე. ამ შემადგენლობით ჯგუფი ატარებს თავის პირველ კონცერტ-პრეზენტაციას თბილისის მერიის შენობაში, 2004 წლის 8 აპრილს. ჯგუფს ერქმევა საბოლოო სახელწოდება: „სინათლის წელიწადი“.