საქაროზა: განსხვავება გადახედვებს შორის

'''საქაროზა''' — [[ჭარხალი|''ჭარხლის]]'' ან [[''ლერწმის შაქარი]],'' — ერთ-ერთი უმნიშვნელოვანესი [[დისაქარიდი]]. უფერული, [[წყალი|წყალში]] კარგად ხსნადი კრისტალებია. შეიცავს ყველა მწვანე [[მცენარე]]. t_დნ — 185—186°C. მჟავას ან ფერმენტ საქაროზას მოქმედებით იშლება [[გლუკოზა]]დ და [[ფრუქტოზად]]. საქაროზა ადვილად შესათვისებელი და უმნიშვნელოვანესი სატრანსპორტო [[ნახშირწყალი]]ა [[მცენარე]]ებში; ფოტოსინთეზის პროცესში წარმოქმნილი [[ნახშირწყლები]] ფოთლებიდან თესლში, ფესვებში, ტუბერებსა და ძირხვენებში გადადის საქაროზას სახით, სადაც ადვილად იქცევა [[სახამებელი|სახამებლად]] და [[ინულინი|ინულინად]].

შაქრის ლერწმისაგან საქაროზას მიღების წესებს იცნობდნენ [[ინდოეთი|ინდოეთში]], [[ჩინეთი|ჩინეთში]], [[ეგვიპტე]]ში. ამჟამად ზოგიერთ ქვეყანაში საქაროზას [[შაქრის ჭარხალი|შაქრის ჭარხლისაგან]] იღებენ. მას ფართოდ იყენებენ კვებისა და მიკრობიოლოგიურ მრეწველობაში. საქაროზას დუღილის შედეგად მიიღება [[ეთილის სპირტი]], [[აცეტონი]], [[ძმარმჟავა]], [[რძემჟავა]] და სხვა. საქაროზას [[შაქარი|შაქარს]] უწოდებენ.