სხეულის ტემპერატურა

სხეულის ტემპეტარურის მომატება (ჩვეულებრივ მეტყველებაში "სიცხე") არის ადამიანის (და სხვა თბისლისხლიანი ორგანიზმებისთვის) დამახასიათებელი მდგომარეობა, როცა სხეულის ტემპერატურა სხვადასხვა შესაძლო მიზეზის გამო ნორმაზე მაღლა იწევს.

სამედიცინო თერმომეტრი

ადამიანის სხეულის ნორმალური ტემპერატურა არ არის მკაფიოდ განსაზღვრული სიდიდე და ის შეიძლება მერყეობდეს როგორც ინდივიდუალურად, ასევე რასისა და ეთნიკური კუთვნილების მიხედვითაც. ზოგადად, მიღებულია რომ ადამიანის სხეულის ტემპერატურა ჯანმრთელ მდგომარეობაში (იღლიის ღრმულში) უნდა იყოს დაახლოებით 36,4, °C ფარგლებში, თუმცა, ისიც უნდა ითქვას, რომ ადამიანის სხეულის ტემპერატურა იცვლება დღე-ღამური და ასევე ფიზიოლოგიური პერიოდების მიხედვითაც (ეს უკანასკნელი ძირითადად ქალებში), ამიტომ ამა თუ იმ ინდივიდისათვის "ნორმალური" ტემპერატურის დადგენა ბევრ ფაქტორზე არის დამოკიდებული.