სალის ციხე

სალის ციხე — არქიტექტურული ძეგლი ბორჯომის მუნიციპალიტეტში, ბორჯომიდან 4-5 კილომეტრის დაშორებით, კლდის წვეროზე. მართალია ციხემ ჩვენამდე ნანგრევების სახით მოაღწია, თუმცა ციხის კედლები შედარებით გადარჩენილია.

აღწერა

კირით ნაგები მცირე ზომის კედლები ჰორიზონტალურ მწკვრივებადაა ნაწყობი. ციხე ნაგებია ქვითკირით, აქვს ვიწრო მოედანი. ციხეს ასევე ჰქონია წყალსაცავი ორმოები, რომლებიც ქვით ყოფილა აგებული. ასევე ციხე შეიცავს პურის შესანახ ხაროებსა და სადგომებს. თუმცა კლდის თხემის ფართობი მცირეა. ციხე ციცაბო კლდის ნაპირზეა აშენებული და ძნელი მისადგომია.

ლიტერატურა

გოგოლაძე თ., ბორჯომის ხეობის ისტორიული და ხუროთმოძღვრული ძეგლები (გზამკვლევი), თბ., 2014 გვ. 38-39
ბერძენიშვილი ნ., საქართველოს ისტორიის საკითხები, თბ., 1964
ბერძენიშვილი დ., ნარკვევები საქართველოს ისტორიული გეოგრაფიიდან. თბ., 1985
გელაშვილი ბ., ბორჯომის ხეობა XI-XIII საუკუნეებში, თბ., 2013
მაკალათია ს., ბორჯომის ხეობა, თბ., 1957
ხუჯაძე გ., ბორჯომის ხეობა, თბ., 1969