საირა-ცენტრი
სირა-ცენტრი (Cira Centre), 29-სართულის, 133 მ სიმაღლის საოფისე მაღლივი შენობა დასავლეთ ფილადელფიის უნივერსიტი-სიტი უბანში, პენსილვანია, აშშ. არქიტექტორი სეზარ პელის მიერ დაპროექტებული შენობა ამტრაკის 1930-იანი წლების არტ-დეკოს სტილის 30-ე ქუჩის სადგურის პირდაპირ დგას. ცათამბჯენი ზედ მოქმედი რკინიგზის პლატფორმაზე აშენდა. მშენებლობა 2004 წელს დაიწყო და 2005 წლის ბოლოს დასრულდა.
პროექტი მრავალ წინააღმდეგობასთან იყო დაკავშირებული. ადგილი, სადაც ის შენდებოდა, ეკუთვნოდა განვითარების წამახალისებელ ზონას, რომელიც გათავისუფლებული იყო თითქმის ყველა საშტატო და ადგილობრივი გადასახადისგან. სირა-ცენტრს ფილადელფიის სხვა საოფისე ცათამბჯენების კანიბალიზაციას აბრალებდნენ, ვინაიდან ნაცვლად გარე ბიზნესის მოზიდვისა, მან ქალაქში უკვე არსებული სხვა ადგილობირივი კომპანიები გადმოიბირა.
|
ეს სტატია აშშ-ისა და ამერიკელების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |