საბრინა ფერილი

საბრინა ფერილი (იტალ. Sabrina Ferilli; დ. 28 ივნისი 1964, რომი, იტალია) — იტალიელი თეატრისა და კინოს მსახიობი.

საბრინა ფერილი
საბრინა ფერილი
დაბადების სახელი	საბრინა მარია კარლოტა ფერილი
დაბადების თარიღი	28 ივნისი 1964 რომი, იტალია
საქმიანობა	მსახიობი
აქტიური	1986–დღემდე

ბიოგრაფია

საბრინა ფერილი დაიბადა 1964 წლის 28 ივნისს, იტალიის დედაქალაქ რომში. კარიერა დაიწყო 1980-იანი წლებიდან, როგორც კინომსახიობმა. მუშაობდა რომის კინემატოგრაფიულ ცენტრში, სადაც მონაწილეობას იღებდა ადგილობრივ დრამატულ დადგმებში. პირველი წარმატებული ფილმი იყო „წითელი ამერიკელი“, რომელიც გამოვიდა 1991 წელს. შემდგომ მონაწილეობას იღებდა სხვადასხვა პროექტებში. აღსანიშნავია ასევე ფილმი „შესანიშნავი ცხოვრება“. შემდეგ წლებში სერიალებსა და ფილმებში გვევლინებოდა მეორეხარისხოვან როლებში. 2000 წელს გადაიღო ჟურნალ Max-სთვის, რომელიც საბოლოო ჯამში 1 მლნ. ეგზემპლარად გაიყიდა.

საბრინა ფერილი ცნობილია ასევე როგორც საფეხბურთო კლუბ რომას გულშემატკივარი. 1998 წელს ფერილი საზოგადოებას დაპირდა, თუ რომა იტალიის ჩემპიონი გახდებოდა იგი სტრიპტიზს იცეკვებდა. 2001 წელს საფეხბურთო კლუბი რომა იტალიის ჩემპიონატის გამარჯვებული გახდა, სადაც საბრინა ფერილიმ რომში დიდი ცირკის ტერიტორიაზე პუბლიკის თანდასწრებით სტრიპტიზი იცეკვა.

ფილმოგრაფია

ფილმები
წელი	ქართულად	ორიგინალურად	როლი
1987	რიმინი, რიმინი	Rimini Rimini
1988	ჩვენნაირი თაღლითები	I Picari
1991	წითელი ამერიკელი	Americano rosso	ზარა
1993	მანიაკის დღიური	Diario di un vizio	ლუჯია
1994	ბიჭი-მოსამართლე როზარიო ლევატინო	Il Giudice ragazzino	ანჟელა გარნერა
	შესანიშნავი ცხოვრება	La Bella vita	მირელა
1996	დახრჩობილი სიცოცხლე	Vite strozzate	მირიამი
	შვებულება აგვისტოში	Ferie d’agosto	მარისა
1998	სინიორ 15 ბურთი	Il Signor Quindicipalle	სისი
2000	ჟირაფი	Le Giraffe
2003	სამი ქალბატონი	L' Acqua… il fuoco	სიეფანი / ელენა / სტელა
2004	საშობაო სიყვარული	Christmas in Love	ლიზა
2008	მთელი ცხოვრება წინაა

რესურსები ინტერნეტში

• ოფიციალური საიტი დაარქივებული 2012-02-07 საიტზე Wayback Machine.
• საბრინა ფერილი კინოფილმების ინტერნეტ-მონაცემთა ბაზაში