პურ-მარილი

პურ-მარილი (რუს. хлеб-соль; ბულგ. хляб и сол) — სლავური სტუმართმოყვარეობის, დახვედრის ცერემონია (მოიცავს, რუსებს, უკრაინელებს, ბელარუსებს, პოლონელებს, ჩეხებს, სლოვაკებს, ბულგარელებსა და სერბებს). სავარაუდოდ ეს ტრადიცია ძველი ადათიდან მომდინარეობს რომელსაც სტუმართმოყვარეობის ღმერთის რადიგოსტის პატივსაცემად მართავდნენ.

პურ-მარილი

მსგავსი ტრადიცია არსებობს ლიეტუვაში (duona ir druska), რომლის კულტურა ისტორიულად უკავშირდება ჩრდილო სლავურს. იგივე ტრადიცია შეიძლება ინახოს რუმინეთშიც (pâine şi sare). რუმინეთი ლათინური ქვეყანაა, თუმცა მას ემეზობლება სლავური ქვეყნები და ტრადიცია მათგან ნასესხები უნდა იყოს.

პურისა და მარილის ებრაულ ტრადიციას სხვა მნიშვნელობა აქვს.

როდესაც ძვირფასი, მნიშვნელოვანი სტუმარი მობრძანდება, მას ხვდებიან ახლადგამომხცვარი პურით რუშნიკზე (დაქარგული ხელსახოცი). სამარილე პურის თავზე იდება ან მაგრდება. თანამედროვე რუსეთში, ოფიციალურ შეხვედრებზე, პურ-მარილს სტუმარს ეროვნულ ტანისამოსში (სარაფანი და კოკოშნიკი) გამოწყობილი ახალგაზრდა გოგონები მიართმევენ.