პართული დრაქმა

პართული დრაქმა, ძვ. წ. III — ახ. წ. III საუკუნეების პართიის სამეფოში მოჭრილი ვერცხლის მონეტები. შუბლზე გამოსახულია პართიის მეფის დიადემიანი ბიუსტი (ზოგი მათგანი, შესაძლებელია, პორტრეტულიც იყოს); ზურგზე — მარჯვნივ მიმართული, ომფალოსზე ან ტახტზე მჯდომარე დინასტიის დამაარსებლის არშაკის სქემატური გამოსახულება მოზიდული მშვილდისრით. მრავალსტრიქონიანი ბერძნული ზედწერილით გადმოცემულია არშაკის სახელი და ვრცელი ტიტულატურა.

არშაკის დროის მონეტები

პართული დრაქმის წონა იცვლებოდა ეპოქების მიხედვით (იყო 4 გ-ზე მეტი და 3 გ-ზე ნაკლები). ძვ. წ. I ს. — ახ. წ. I საუკუნეში. პართული დრაქმა ფართოდ იყო გავრცელებული აღმოსავლეთ საქართველოს ტერიტორიაზე, განსაკუთრებით კი მცხეთასა და მის მიმდებარე რაიონებში.

ლიტერატურა

• აბრამიშვილი თ., საქართველოს სახელმწიფო მუზეუმის პართული მონეტების კატალოგი, თბ., 1974;
• Кошеленко Г. А., Некоторые вопросы историис ранней Парфии, «Вестник древней истории», 1968, № 1
• დუნდუა გ., ქსე, ტ. 7, გვ. 685, თბ., 1984