ორლოვსკის ღვთისმშობლის შობის ეკლესია
ორლოვსკის ღვთისმშობლის შობის ეკლესია (რუს. Церковь Рождества Пресвятой Богородицы) — მართლმადიდებლური ეკლესია ორლოვის რაიონის სოფელ ორლოვკაში, როსტოვის ოლქი, რუსეთის ფედერაცია. ამჟამად აღნიშნული ტერიტორია მიეკუთვნება რუსეთის მართლმადიდებელი ეკლესიის მოსკოვის საპატრიარქოს ვოლგოდონის ეპარქიას[1]. ეკლესიის მშენებლობა დაასრულეს 2006 წელს.
| ორლოვსკის ღვთისმშობლის შობის ეკლესია | |
  | |
ძირითადი ინფორმაცია
| |
|---|---|
| რელიგიური კუთვნილება | რუსეთის მართლმადიდებელი ეკლესია |
| ქვეყანა |  რუსეთი
|
| პროვინცია | როსტოვის ოლქი |
| ადგილმდებარეობა | ორლოვსკი |
| სასულიერო სტატუსი | მოქმედი |
| საიტი | ოფიციალური საიტი |
ხუროთმოძღვრების აღწერა
| |
| თარიღდება | 2003-2006 |
ეკლესიის მისამართი: რუსეთი, როსტოვის ოლქი, ორლოვის რაიონი, სოფელი აგრაფენოვკა, კომუნალურის ქუჩა № 76[2].
ისტორია რედაქტირება
 გარე სურათები
| |
|---|---|
|
ეკლესიის საერთო ხედი, 2015 წელი |
|
|
ეკლესიის კანკელი |
1912 წელს როსტოვის ოლქის სტანიცა ორლოვსკში ააშენეს ყოვლადწმინდა ღვთისმშობლის შობის სახელობის ეკლესია,რომელიც პრაქტიკულად სამლოცველო სახლი იყო. მისი მრევლის სიაში შედიოდა 15 901 მართლმადიდებელი და 578 სტაროობრიადცი. საბჭოთა ხელისუფლების დამყარების შემდეგ, 1939 წელს სამლოცველო სახლი დახურეს, მაგრამ არ დაუნგრევიათ და მეორე მსოფლიო ომის წლებში, გერმანელთა ოკუპაციის დროს 1942 წელს კვლავ გახსნეს.
1980 წლის სექტემბერში ღვთისმშობლის შობის სახელობის სამლოცველო სახლის წინამძღვარი გახდა მამა ალექსი (სერგოშინი), რომელმაც დაარწმუნა სოფლის ხელმძღვანელობა ეკლესიისათვის კოსმეტიკური რემონტის ჩატარების აუცილებლობაში. მხოლოდ 2000 წელს მისივე ხელმძღვანელობით საფუძველი ჩაეყარა ახალ, ქვის ეკლესიას, რომელიც ააშენეს უპირატესად მრევლის შემოწირულობის შედეგად (ეკლესიაში დაცულია შემოწირულობების წიგნი, რომლის წაკითხვაც შეუძლია ნებისმიერ ადამიანს).
ძირითადი სამუშაოები დაიწყო 2003 წელს, ხოლო ეკლესიის კურთხევა მოხდა 2004 წლის 11 ნოემბერს. კურთხევის ცერემონია შეასრულა როსტოვისა და ნოვოჩერკასკის ეპარქიის მთავარეპისკოპოსმა პანტელეიმონმა[3]. საბოლოო დამამთავრებელი სამუშაოები შესრულდა 2006 წელს. ეკლესიას დაუყენეს 11 ზარი, რომლებიც დაამზადეს ქალაქ ვორონეჟში. მათგან ყველაზე დიდი - დედოზარი, იწონის 1 260 კილოგრამს და ჩამოასხეს როსტოვის ოლქის ადმინისტრაციის შემოწირულობით შეგროვილი თანხით[4].
ამჟამად ეკლესიის წინამძღვარია მღვდელმნაზონი ალექსი სერგოშინი[5].
რესურსები ინტერნეტში რედაქტირება
- Сайт храма
- Храм Рождества Пресвятой Богородицы დაარქივებული 2017-03-22 საიტზე Wayback Machine.
- Волгодонская епархия - приходы დაარქივებული 2017-11-11 საიტზე Wayback Machine.
სქოლიო რედაქტირება
- ↑ Орловский. Церковь Рождества Пресвятой Богородицы.
- ↑ Церковь иконы Божией Матери "Одигитрия" (Аграфеновка)
- ↑ В поселке Орловский освящена церковь Рождества Пресвятой Богородицы
- ↑ СТРОЯЩЕМУСЯ ХРАМУ ПОДАРИЛИ 11 КОЛОКОЛОВ
- ↑ Храм Рождества Пресвятой Богородицы. დაარქივებულია ორიგინალიდან — 2017-03-23. ციტირების თარიღი: 2017-04-18.