მთავარი მენიუს გახსნა

ოთხასი დარტყმა (ფრანგ. Les Quatre Cents Coups) − ფრანსუა ტრიუფოს პირველი ფილმი, ფრანგული ახალი ტალღის ერთ-ერთი ნიმუში. ფილმი ნახევრად ავტობიოგრაფიულია და პირველია იმ ფილმებს შორიც, რომლებიც გამოგონილი პერსონაჟის, ანტუან დუანელის ცხოვრებას ეხება. ანტუანის როლს ფრანგი მსახიობი ჟან-პიერ ლეო თამაშობს, რომელიც შემდგომში დუანელის შესახებ ტრიუფოს სხვა ფილმებშიც თამაშობდა. ფილმის სახელწოდება პირდაპირი თარგმანია ფრანგული იდიომისა, რომელიც შფოთვის გამოწვევას ნიშნავს.

Les Quatre Cents Coups
ჟანრი დრამატული ფილმი
დამდგმელი რეჟისორი ფრანსუა ტრიუფო
პროდიუსერი ფრანსუა ტრიუფო
სცენარის ავტორი ფრანსუა ტრიუფო, მარსელ მოუსი
როლებში ჟან-პიერ ლეო
მუსიკა ჟან კონსტანტინი
ოპერატორი ანრი დეკაე
მონტაჟი მარი-ჟოსეფ იოტი
დისტრიბუტორი Cocinor
გამოსვლის თარიღი 4 მაისი 1959
ხანგრძლივობა 99 წუთი
ქვეყანა საფრანგეთი
ენა ფრანგული
შემდეგი: ანტუანი და კოლეტი

სიუჟეტირედაქტირება

ფილმის მოქმედება 1950-იანი წლების მეორე ნახევარში მიმდინარეობს. 13 წლის ბიჭის, ანტუან დუანელის, ბავშვური, თავისუფალი ბუნება ვერ ეგუება არსებულ სოციალურ ჩარჩოებს. მას გამუდმებით კონფლიქტი მოსდის სკოლის მასწავლებლებთან, დედასთან, მამინაცვალთან. ანტუანს დააკავებენ მამინაცვლის საბეჭდი მანქანის ქურდობისთვის. ამის შემდეგ მშობლები მის ძნელად აღსაზრდელ ბავშვთა იზოლირებულ დაწესებულებაში გადაყვანას გადაწყვეტენ. ანტუანი ვერ ეგუება კოლონიის მკაცრ აღმზრდელობით რეჟიმს და ერთ დღესაც, ფეხბურთის თამაშისას, გაძვრება კოლონიის გარშემო შემოვლებულ მავთულხლართში და გაიქცევა. ფილმის დასკვნით სცენაში გათავისუფლებული ანტუანი ხვდება გაშლილი ზღვის სანაპიროზე.

როლებშირედაქტირება

  • ჟან-პიერ ლეო - ანტუან დუანელი
  • ალბერ ლემი - ჟულიენ დუანელი
  • კლერ მაურიე - ჟილბერტ დუანელი
  • პიერ რეპი - ინგლისურის პედაგოგი
  • ლუკ ანდრიუ - ფიზკულტურის პედაგოგი
  • დენიელ კუტურიე - ბერტრან მორისეტი

ჯილდოებირედაქტირება

ტრიუფომ მიიღო კანის კინოფესტივალის ჯილდო საუკეთესო რეჟისორი. ოსკარების 32-ე დაჯილდოებაზე ფილმი ნომინირებული იყო საუკეთესო ორიგინალური სცენარის ჯილდოზე. ფილმმა მიიღო ნიუ-იორკის კინოკრიტიკოსთა ჯილდო, ბრიტანულ კინო ინსტიტუტის მიერ დასახელებული იქნა საუკეთესო ფილმად, კატეგორიაში 50 ფილმი, რომელიც 14 წლამდე უნდა ნახო.

რესურსები ინტერნეტშირედაქტირება