ნიკოლოზ უმიკაშვილი

ნიკოლოზ უმიკაშვილი (დ. 18 იანვარი, 1923, თბილისი — გ. 2013) — ქართველი ექიმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1946–1948 წლებში იყო სოფელ დიცის საექიმო უბნის გამგე; 1949–1954 წლებში სამხედრო ჰოსპიტლის პედიატრი; 1954–1969 წლებში ქალაქის N1 საავადმყოფოს ორდინატორი, შემდგომ ბავშვთა თერაპიული განყოფილების გამგე; 1969 წლიდან პედიატრიის სამეცნიერო კვლევითი ინსტიტუტის დირექტორის მოადგილე სამკურნალო დარგში. 1964–1986 წლებში თბილისის ჯანმრთელობის დაცვის სამმართველოს მთავარი პედიატრი; 1986–1992 წლებში საქართველოს ჯანდაცვის სამინისტროს რესპუბლიკის მთავარი პედიატრი; ავტორია 100 სამეცნიერო ნაშრომისა, რომელთაგან 76 გამოქვეყნებულია საზღვარგარეთისა და საქართველოს სამედიცინო ჟურნალებსა და სამეცნიერო შრომებში; გამოქვეყნებული აქვს რამდენიმე წიგნი–ბროშურა.

ორგანიზაციის, ასოციაციის ან ჯგუფის წევრი

ჟურნალ „საქართველოს პედიატრის“ სარედაქციო კოლეგია, წევრი
საქართველოს პედიატრთა სამეცნიერო საზოგადოება, მდივანი
საქართველოს სამედიცინო სოციალური აკადემია, საპატიო აკადემიკოსი

ჯილდოები, პრემიები და პრიზები

1989 — მედალი „ჯანმრთელობის დაცვის ფრიადოსანი“
1981 — შრომის წითელი დროშის ორდენი
1970 — მედალი შრომითი მამაცობისათვის
1967 — საქართველოს დამსახურებული ექიმი

ბიბლიოგრაფია

ალკოჰოლი, ოჯახი და ბავშვის ჯანმრთელობა (თანაავტორი). - თბილისი, საბჭ. საქართველო, 1988
ავადმყოფი ბავშვის მოვლა ბინაზე : ლექტორის დასახმარებლად (ავტორი). - თბილისი, საქ. კპ ც-კის გამ-ბა, 1985. - 32გვ.

რესურსები ინტერნეტში

ბიოგრაფიული ლექსიკონი — ნიკოლოზ უმიკაშვილი — საქართველოს პარლამენტის ეროვნული ბიბლიოთეკა