მორავები

მორავები, მორაველები, (ჩეხ. Moravané, სალ. Moraváci) — ჩეხების სუბეთნიკური ჯგუფი, ძირითადად ცხოვრობენ ჩეხეთის სამხრეთ-აღმოსავლეთით მდებარე რეგიონ მორავიაში.

მორავების ტრადიციული ტანისამოსი.

ეტიმოლოგია

სახელი მორავები, სავარაუდოდ, მდინარე მორავას უნდა უკავშირდებოდეს.

რაოდენობა

2001 წლის მდგომარეობით მორავების რაოდენობა 380 474 ადამიანს შეადგენდა.

ენა

მორავების სალაპარაკო ენა ჩეხურია, საუბრობენ მორავულ დიალექტზე, რაც დასავლეთ სლავური ენების ქვეყგუფში ერთიანდება. დამწერლობა ლათინური ანბანით წარმოებს.

რელიგია

მორწმუნეთა უმეტესობა კათოლიკეა.

ისტორია

მორავიის ტერიტორიაზე ძველთაგანვე სლავური ტომები სახლობდნენ. მოგვიანებით, 1526 წელს, ბოჰემიის, მორავიისა და სლოვაკეთის (იმხანად უნგრეთის) მიწები ავსტრიელი ჰაბსბურგების გვირგვინს დაექვემდებარა.

XX საუკუნეში მორავიის ტერიტორია ჩეხოსლოვაკიის შემადგენლობაში მოექცა. 1993 წ3ლს ერთიანი სახელმწიფო ორად გაიყო, ხოლო მორავია ჩეხეთის შემადგენლობაში დარჩა.

რესურსები ინტერნეტში

• O Morawianach w serwisie "Opole – stolica Górnego Śląska" დაარქივებული 2011-09-19 საიტზე Wayback Machine.