მიხეილ ჯორჯიაშვილი
მიხეილ ჯორჯიაშვილი (დ. 15 მაისი, 1949, სოფ. ჯორჯიაშვილი, ახლანდ. თეთრიწყაროს მუნიციპალიტეტი — გ. 3 დეკემბერი, 2014) — ქართველი პოლიტიკური მოღვაწე.
| მიხეილ ჯორჯიაშვილი | |
|---|---|
| დაბადების თარიღი | 15 მაისი, 1949 |
| დაბადების ადგილი | ჯორჯიაშვილი, თეთრიწყაროს რაიონი, საქართველოს სსრ, სსრკ |
| გარდაცვალების თარიღი | 3 დეკემბერი, 2014 (65 წლის) |
| მოქალაქეობა |
 სსრკ → საქართველო |
| განათლება | საქართველოს სასოფლო-სამეურნეო ინსტიტუტი |
| ეროვნება | ქართველი |
დაამთავრა საქართველოს სასოფლო-სამეურნეო ინსტიტუტი. 1966-1974 წლებში იყო საქართველოს კომპარტიის თეთრი წყაროს რაიკომის საორგანიზაციო განყოფილების ინსტრუქტორი, საერთო განყოფილების გამგე, 1977-1981 წლებში იყო სახალხო კონტროლის რაიონული კომიტეტის თავმჯდომარე, 1982-1990 წლებში თეთრი წყაროს მეცხოველეობის საბჭოთა მეურნეობის დირექტორი, 1990 წლიდან საქართველოს კომუნისტური პარტიის თეთრი წყაროს რაიკომის პირველი მდივანი.1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).