მირჩა სნეგური
მირჩა სნეგური ( დ. 17 იანვარი, 1940, ტრიფანეშტი, მოლდოვა) — მოლდოვის პოლიტიკური მოღვაწე. ქვეყნის პირველი პრეზიდენტი (1991-1997 წწ.)
| მირჩა სნეგური | |
 | |
 | |
|---|---|
| თანამდებობაზე ყოფნის დრო | |
| 3 სექტემბერი, 1990 – 15 იანვარი, 1997 | |
| წინამორბედი | თანამდებობა დაარსდა |
| მემკვიდრე | პეტრე ლუჩინსკი |
| დაბადებული | 17 იანვარი, 1940 ტრიფანეშტი, მოლდოვა |
| მეუღლე | ჟორჟეტა სნეგური |
| პროფესია | აგრონომი |
| რელიგია | მართლმადიდებელი |
| ხელმოწერა |  |
1956 წელს დაამთავრა სოფელ ფრუმუშიკის საშუალო სკოლა. 1961 წელს დაამთავრა კიშინიოვის სოფლის მეურნეობის ინსტიტუტი. 1961-1968 წლებში მუშაობდა სოფელ ლუნგის აგრონომად, შემდეგ მოლდავეთის სსრ-ის სოფლის მეურნეობის სამინისტროში. 1981-1990 წლებში სხვადასხვა პარტიულ თანამდებობაზეა. 1990 წელს უალტერნატივო არჩევნებში აირჩიეს მოლდავეთის სსრ-ის პრეზიდენტად. 1991 წლის 23 მაისს ქვეყანას ეწოდა მოლდოვა. ახალი საპრეზიდენტო არჩევნების შედეგად 1991 წლის 8 დეკემბერს კვლავ პრეზიდენტად აირჩიეს. 1996 წლის არჩევნების პირველ ტურში მირჩა სნეგურმა მიიღო ხმების 38,7 %, ხოლო პეტრე ლუჩინსკიმ 27,7 %. მეორე ტურში ლუჩინსკიმ მიიღო ხმების 54,02 %, ხოლო სნეგურმა 45,98 %.
მირჩა სნეგურის შვილია ნატალია გერმანი, მოლდოვის საგარეო საქმეთა და ევროპული ინტეგრაციის მინისტრი.
რესურსები ინტერნეტში რედაქტირება
- მირჩა სნეგურის ბიოგრაფია მოლდოვის პრეზიდენტის საიტზე დაარქივებული 2011-07-21 საიტზე Wayback Machine.