მარკ სტარზი (საფეხბურთო კლუბი)

„მარკ სტარზი“ — საქართველოს საფეხბურთო კლუბი ქალაქ თბილისიდან. დაარსდა 2012 წელს.

მარკ სტარზი

სრული სახელი	საფეხბურთო კლუბი მარკ სტარზი
დაარსდა	2012
პრეზიდენტი	კელვინ ოტუსი
მწვრთნელი	დავით ქოქიაშვილი
ლიგა	მეორე ლიგა
პირველი ლიგა 2016	მე-7 ადგილი,თეთრი ჯგუფი (გავარდა მეორე ლიგაში)
საიტი	ოფიციალური საიტი

ისტორია

კლუბი დაარსდა 2012 წელს, ყოფილი ნიგერიელი ფეხბურთელის, კელვინ ოტუსის მიერ. სწორედ ის იმყოფება კლუბის ამჟამინდელი მფლობელი და პრეზიდენტი. ერთ-ერთ ინტერვიუში ოტუსმა განაცხადა, რომ მას სურს „მარკ სტარზი“ აქციოს ქვეყნის ერთ-ერთი ყველაზე წარმატებულ გუნდად, რომელიც ქართველ გულშემატკივრებს ევროტურნირებზე ასპარეზობით გაახარებს. 2015-2016 წლების სეზონში „მარკ სტარზმა“ ჩემპიონატი პირველ ადგილზე დაასრულა, რის შედეგადაც მეორე ლიგიდან პირველში აღზევდა, თუმცა შემდგომი წელი გუნდისთვის წარუმატებელი გამოდგა, „მარკ სტარზმა“ მხოლოდ ერთი თამაში მოიგო და შედეგად ისევ მეორე ლიგაში დაბრუნდა.

2018 წლის სეზონი გუნდისთვის ძალიან ცუდი გამოდგა. სეზონის განმავლობაში კლუბმა ორი მწვრთნელი გამოიცვალა საბოლოოდ კი გუნდი ლიგა 3-დან რეგიონულ ლიგაში დაქვეითდა, ამის შემდეგ გუნდმა დიდი ფინანსური კრიზისი განიცადა.

2019 წელი „მარკ სტარსის“ არსებობისთვის უკანასკნელი გამოდგა და გუნდი ჩემპიონატის დასრულებამდე 8 ტურით ადრე მოხსნეს გათამაშებიდან დაგროვილი დავალიანების გამო.

მთავარი მწვრთნელები :

პერიოდი	მწვრთნელები
2012–2013	თენგიზ სულაქველიძე (უმცროსი)
2013–2014	დავით მაჩიტიძე
2014–2015	დავით თაქთაქიშვილი
2015 ბოლოს	კახაბერ კეკელიძე
2015–2016	თენგიზ სულაქველიძე (უმცროსი)
2016–2017	დავით ქოქიაშვილი
2018	კახა გოგიჩაიშვილი
2018	გიორგი ფეიქრიშვილი
2019	კახაბერ კეკელიძე

მიღწევები

საქართველო

• მეორე ლიგა (ცენტრალური ზონა)
  • გამარჯვებული (1): 2015–16
• რამაზ შენგელიას სახელობის თასი
• გამარჯვებული 2012–2013
• ფინალისტი: 2014–2015

რესურსები ინტერნეტში

• კლუბის ოფიციალური Facebook გვერდი
• საქართველოს ფეხბურთის ფედერაციის ოფიციალურ საიტზე
• გაზეთ „ლელოს“ ოფიციალურ საიტზე