მანანა ორბელაძე
მანანა ორბელაძე (დ. 20 თებერვალი, 1952, ბაღდათის მუნიციპალიტეტის სოფელი როხი, საქართველო)—დამსახურებული პედაგოგი, 2013-2014 სასწავლო წლის საუკეთესო მასწავლებელი, შესულია წიგნში „ქუთაისის ღირსეული პედაგოგები“.
| მანანა ორბელაძე | |
|---|---|
| დაბადების თარიღი |
20 თებერვალი 1952 (69 წლის) როხი ბაღდათის მუნიციპალიტეტი |
| მოქალაქეობა |
 სსრკ საქართველო |
| განათლება |
ქუთაისის პედაგოგიური ინსტიტუტი პუშკინის სახ. პედაგოგიური ინსტიტუტი |
| პროფესია | პედაგოგი |
ბიოგრაფია
რედაქტირებამანანა იოსების ასული ორბელაძე დაიბადა 1952 წლის 20 თებერვალს, ბაღდათის რაიონის სოფელ როხში პედაგოგების ოჯახში.
1959 წელს შევიდა სოფელ როხის საშუალო სკოლაში, რომელიც დაამთავრა 1969 წელს. სკოლის დამთავრების შემდეგ 1970 წელს ჩაირიცხა ქალაქ ქუთაისის პედაგოგიურ ინსტიტუტში დაწყებითი განათლების ფაკულტეტზე. ქუთაისის პედაგოგიურ ინსტიტუტში სასწავლო კურსის დასრულების შემდეგ, სწავლა განაგრძო თბილისის ალექსანდრე პუშკინის სახელობის პედაგოგიურ ინსტიტუტში (ამჟამად ილია ჭავჭავაძის სახელობის სახელმწიფო უნივერსიტეტი), რომელიც დაასრულა 1979 წელს.
1975 წელს მუშაობა დაიწყო ქალაქ ქუთაისის მე-12 საშუალო სკოლაში ისტორიის მასწავლებლად.
1983 წლიდან დღემდე მუშაობს ქალაქ ქუთაისის მე-17 საჯარო სკოლაში დაწყებითი კლასების მასწავლებლად. თავისი პედაგოგიური მოღვაწეობის თავისი პედაგოგიური მოღვაწეობის პერიოდში აქტიურად იყო ჩართული სხვადასხვა საზოგადოებრივ ღონისძიებებში:
მანანა ორბელაძე 17 წლის განმავლობაში ხელმძღვანელობდა სკოლის დაწყებითი კლასების მეოდგაერთიანებას. იგი გახლდათ მასწავლებელთა დანიშვნის სასკოლო საკონკურსო კომისიის წევრი.ხშირად ატარებს სასკოლო და საქალაქო საჩვენებელ ღია გაკვეთილებს. მათ შორის, აღსანიშნავია 2017 წლის 15 თებერვალს სსიპ ქუთაისის N17 საჯარო სკოლის მესამე კლასში ჩატარებული ჯიპრაიდული გაკვეთილი ქართულ ენაზე.
მანანა ორბელიძე მონაწილეობს სხვადასხვა ტრენინგებში და აქტივობებში. მან წარმატებით გაიარა ინტელის პროექტებით სწავლების ტრენინგი.რომლის სახელია ,,წინაპრები და შთამომავლები“ . ამ პროექტით პედაგოგი შეეცადა მოსწავლეებს გაეაზრებინათ ვინ იყვნენ მათი წინაპრები, საიდან მოდიან ისინი, რაც მათ დაეხმარებათ პატივი სცენ წარსულს, აწმყოს და ააშენონ მომავალი.
როგორც თავად აღნიშნავს:
|
„იმისათვის რომ პროექტი წარმედგინა საზოგადოებისათვის და მომეხდინა ჩემი თავის ბრენდირება შევქმენი პუბლიკაცია.სადაც განვსაზღვრე ადმინისტრაციის კოლეგის და მშობლის როლი.
რადგან დღეისათვის მნიშვნელოვანია XX1 საუკუნის უნარ-ჩვევები,მე ავირჩიე 3 სტანდარტული მახასიათებელი ,რომელიც გამომადგება ჩემი პროექტის მსვლელობისას.ასევე მოვახდინე საგნობრივი სტანდარტის შერჩევა..რაც დამეხმარება ე.ს.გ.გათვალისწინებულ შედეგზე გასვლაში. დავსვი მიმართულების მიმცემი საკვანძო კითხვები(ზოგადი,თემატური და შინაარსობრივი) ზოგადი კითხვით გშევეცადე მოსწავლე მიმეყვანა თემის ძირითად არსამდე.შინაარსობრივი კითხვი და ტემატური კითხვით დავაკონკრეტეთ თემის იდეა და მიზანი.“ |
|
|
„როდესაც მოვახდინე ამ ყველაფრის გააზრება მივხვდი თუ რამდენად მნიშვნელოვანი იყო ეს ტრენინგ -კურსი ჩემთვის.განსაკუთრებით კი გამოვყოფ ,,შეფასებას“რომელმაც ძალიან დამაინტერესა და გამააზრებინა კონკრეტულად რა კრიტერიუმებით შეიძლებოდა მოსწავლეთა შეფასება. ყოველივე შესწავლილიდან გამომდინარე შევეცდები შესწავლილი საკითხები და შესაბამისი მეთოდები გამოვიყენო სასწავლო პროცესში.“
|
მანანა ორბელაძეს აღზრდილი ყავს უამრავი წარჩინებული მოსწავლე.
ჯილდოები
რედაქტირებაპედაგოგიური საქმიანობის პერიოდში მანანა ორბელაძეს მიღებული აქვს სხვადასხვა ჯილდოები:
- საქართველოს განათლებისა და მეცნიერების სამინისტროს სიგელი.
- ქალაქ ქუთაისის განათლების განყოფილებისა და განათლების მუშაკთა პროფკავშირის საქალაქო საბჭოს „საპატიო სიგელი".
- ქუთაისის განათლების განყოფილებისა და განათლების მუშაკთა პროფკავშირის „მადლობის სიგელი“.
- მიღებული აქვს ქალაქ ქუთაისის განათლების განყოფილებისა და განათლების მუშაკთა მადლობები „მოსწავლე -ახალგაზრდობის აღზრდის საქმეში თვალსაჩინო მიღწევებისთვის“.
- შესულია წიგნში „ქუთაისის ღირსეული პედაგოგები“.
- ქალაქ ქუთაისის მერიამ დააჯილდოვა ფულადი პრემიით.
- 2013-2014 სასწავლო წელს მიიღო წლის საუკეთესო მასწავლებელის წოდება.
მანანა ორბელაძის შესახებ გამოქვეყნებულია სტატიები სხვადასხვა ჟურნალ-გაზეთებში.