მაზახირ პანახოვი
მაზახირ მუხამედ-ოღლუ პანახოვი (აზერ. Məzahir Məhəmməd oğlu Pənahov; დ. 13 მარტი 1951, ქარახანლი, თოუზის რაიონი, აზერბაიჯანის სსრ, სსრკ) — აზერბაიჯანის რესპუბლიკის ცენტრალური საარჩევნო კომისიის თავმჯდომარე.ს[1]
| მაზახირ პანახოვი | |
 | |
| აზერბაიჯანის ცენტრალური საარჩევნო კომისიის თავმჯდომარე | |
|---|---|
| ამჟამინდელი თანამდებობა | |
| დაიკავა | 2000 |
| დაბადებული | 13 მარტი, 1951 ქარახანლი, თოუზის რაიონი, აზერბაიჯანის სსრ, სსრკ |
ბიოგრაფია
რედაქტირებამაზახირ პანახოვი 1951 წლის 13 მარტს სოფელ ქარახანლიში, თოუზის რაიონში დაიბადა. 1972 წელს ბაქოს სახელმწიფო უნივერსიტეტის ფიზიკის ფაკულტეტის წარჩინებით დასრულების შემდეგ, 1973-1976 წლებში სწავლობდა ქალაქ სანქტ-პეტერბურგის ა. ფ. იოფეს სახ. ფიზიკა-ტექნიკური ინსტიტუტის ასპირანტურაში.
შრომითი საქმიანობა
რედაქტირება1977 წელს გახდა უფროსი მასწავლებელი, ხოლო 1988 წელს — ბაქოს სახელმწიფო უნივერსიტეტის ფიზიკის ნახევარგამტარების კათედრის დოცენტი. 1979 წელს დაიცვა საკანდიდატო, 1992 წელს გახდა ფიზიკა-მათემატიკის მეცნიერებათა დოქტორი, ხოლო 1993 წელს მიიღო პროფესორის სამეცნიერო წოდება. 1982-1983 წლებში ატარებდა კვლევებს დიდი ბრიტანეთის მეცნიერებისა და ტექნოლოგიების მანჩესტერის უნივერსიტეტში (UMIST). 1991 წლიდან არის „ზოგადი ფიზიკისა და ფიზიკის სწავლების მეთოდების“ კათედრის დოცენტი, ხოლო 1996 წლიდან — ზემოხსენებული კათედრის გამგე. 2000 წლიდან არის აზერბაიჯანის რესპუბლიკის ცენტრალური საარჩევნო კომისიის თავმჯდომარე.
სქოლიო
რედაქტირება- ↑ Mazahir PANAHOV - Central Election Comission of the Republic of Azerbaijan. ციტირების თარიღი: 2021-04-03