ლერი ალიმონაკი
ლერი ალიმონაკი (დ. 17 ოქტომბერი, 1940, თბილისი) — ქართველი კრიტიკოსი და მწერალი. 1966 წელს დაამთავრა თბილისის სასოფლო-სამეურნეო ინსტიტუტის საინჟინრო-ტექნოლოგიის ფაკულტეტი. 1973 წლიდან მწერალთა კავშირთან არსებული მხატვრული თარგმანისა და ლიტერატურულ ურთიერთობათა მთავარი სარედაქციო კოლეგიის უფროსი მეცნიერ რედაქტორია; პირველი წერილი სიმღერა „სულიკოს“ ავტორზე, ვარინკა წერეთელზე, 1965 წელს გამოაქვეყნა გაზეთ „ქუთაისში“, პირველი წიგნი „ვარინკა წერეთელი“ — 1970 წელს. განსაკუთრებული ღვაწლი მიუძღვის ტერენტი გრანელის ცხოვრებისა და შემოქმედების კვლევაში; დაწერა ბიოგრაფიული რომანი „კვირის წირვები“ (1983), „ჩემი ცხოვრება მხოლოდ ლექსია“ (1983). თარგმნა ლაო-ძის უძველესი ჩინური ფილოსოფიურ-რელიგიური თხზულება „დაო დე ძინი“ და ძველინდური რელიგიურ-ფილოსოფიური ტრაქტატები „უპანიშადები“.
| ლერი ალიმონაკი | |
|---|---|
 | |
| დაბადების თარიღი | 17 ოქტომბერი, 1940 (84 წლის) |
| საქმიანობა | კრიტიკოსი და მწერალი |
| მოქალაქეობა |
 სსრკ საქართველო |
| ალმა-მატერი | თბილისის სასოფლო-სამეურნეო ინსტიტუტი |
| ჯილდოები | საქართველოს მწერალთა კავშირის პრემია და ივანე მაჩაბლის სახელობის პრემია |
მიღებული აქვს საქართველოს მწერალთა კავშირისა და ივანე მაჩაბლის სახელობის პრემიები.
ბიბლიოგრაფია
რედაქტირება- სანთლის შუქზე მონაწერი (ავტორი). - თბილისი, ხომლი, 2001. - 88გვ.
- გრანელის ლანდი (ავტორი). - თბილისი, ხომლი, 1998. - 136გვ.
- უპანიშადები (მთარგმნელი). - თბილისი, ხომლი, 1995. - 576გვ.
- ვარინკა წერეთელი (ავტორი). - თბილისი, ხელოვნება, 1990. - 31გვ.
- კვირის წირვები ანუ ცხოვრება ტერენტი გრანელისა : რომანი (ავტორი). - თბილისი, მერანი, 1990. - 265გვ.
- ჟამი სიჩუმისა : ლექსები (ავტორი). - თბილისი, საბ. საქართველო, 1988. - 86გვ.
- კვირის წირვები : ბიოგრაფიული რომანი ტერენტი გრანელზე (ავტორი). - თბილისი, მერანი, 1984. - 246გვ.
- დაო დე ძინი : ლაო ძი (მთარგმნელი). - თბილისი, საბჭოთა საქართველო, 1983. - 174გვ.
- ჩემი ცხოვრება მხოლოდ ლექსია : მოგონებები და წერილები ტ. გრანელზე (შემდგენელი). - თბილისი, ნაკადული, 1983. - 270გვ.
- ცხოვრება და ლიტერატურა : ლიტ.-კრიტიკ. წერილები (ავტორი). - თბილისი, საბჭოთა საქართველო, 1979. - 303გვ.
- რჩეული : გრანელი, ტერენტი (1897-1934) (შემდგენელი). - თბილისი, საბჭოთა საქართველო, 1979. - 455გვ.
- ლიტერატურული წერილები (ავტორი). - თბილისი, მერანი, 1974. - 179გვ.
- ლირიკა : გრანელი, ტერენტი (1897-1934) (რედაქტორი). - თბილისი, საბჭოთა საქართველო, 1972. - 183გვ.
რესურსები ინტერნეტში
რედაქტირება- ენციკლოპედია „საქართველო“, ტ. 1, თბ., 1997. — გვ. 110.
- ლერი ალიმონაკი — საქართველოს პარლამენტის ეროვნული ბიბლიოთეკა