ლეონიდ იარმოლნიკი
ლეონიდ იარმოლნიკი (დ. 22 იანვარი, 1954) — საბჭოთა და რუსი თეატრისა და კინოს მსახიობი, პროდიუსერი, ტელე და რადიო წამყვანი, საზოგადო და პოლიტიკური მოღვაწე.
| ლეონიდ იარმოლნიკი | |
|---|---|
_17.jpeg) ლეონიდ იარმოლნიკი | |
| დაბადების თარიღი |
22 იანვარი, 1954 პოგრანიჩნი, პრიმორიეს მხარე, რსფსრ, სსრკ |
| ეროვნება | რუსი |
| მოქალაქეობა |
 სსრკ →  რუსეთი→ უკრაინა[1]→ რუსეთი |
დაიბადა სოფელ პოგრანიჩნიში, პრიმორიეს მხარეში. ბავშვობა და ყრმობა გაატარა ქალაქ ლვოვში. 1976 წ. დაამთავრა მოსკოვის ბ.შჩუკინის სახელობის თეატრალური სასწავლებელი. 1976-1984 წწ. იყო თეატრის („ტაგანკაზე“) მსახიობი, პარალელურად იღებდნენ ფილმებში. მონაწილეობდა კინოჟურნალებში „ფითილი“, „ერალაში“. ახმოვანებდა მულტიპლიკაციურ ფილმებს. 90-იან წლებში საბჭოთა რადიოში მიჰყავდა „ლეონიდ იარმოლნიკის შოუ“, ტელევიზიაში იყო სხვადასხვა გადაცემების წამყვანი: „ელ-კლუბი“, „პორტი ბოიარდი“(რუსული ვერსია), „ოქროს ციებ-ცხელება“ და სხვ. იყო „მხიარულთა და საზრიანთა კლუბის“ ჟიურის წევრი. 2014 წლიდან არის შოუ „ერთი-ერთში“ ჟიურის წევრი. 1997 წლიდან სტომატოლოგიური კლინიკა „დენტალ-არტის“ თანამფლობელია (ანდრეი მაკარევიჩთან და ლეონიდ იაკუბოვიჩთან ერთად)[2].
ფილმოგრაფია (არასრული სია) რედაქტირება
მსახიობი რედაქტირება
- 1976 „წითელი და შავი“ — ვიკონტ დე ლუისი
- 1979 „ისევ ის მიუნჰაუზენი“ — ბარონ მიუნჰაუზენის შვილი
- 1982 „ეძიეთ ქალი“ — მაქსიმენი, პოლიციელი
- 1982 „რეზიდენტის დაბრუნება“ — ჩარლი ბრაიტონი
- 1982 „პროფესია გამომძიებელი“ — ნიკოლაი პისარენკო
- 1984 „სკსს უფლებამოსილია განაცხადოს“ — გრეჩაევი, უშიშროების თანამშრომელი
- 1984 „კაპიტანი ფრაკასი“ — ლეონარდი
- 1986 „ოპერაცია „რეზიდენტის“ დასასრული“ — ჩარლი ბრაიტონი
- 1987 „კაცი კაპუცინების ბულვარიდან“
- 1990 „პასპორტი“ — დოდი, ავანტიურისტი
- 1995 „გერბი და საფასური“ — გოშა, ახალი რუსი
- 2018 „ოდესა“ — გრიგორი
- 2023 „ვოლანდი“ — ექიმი სტრავინსკი
პროდიუსერი რედაქტირება
- 1995 „მოსკოვური არდადეგები“
- 1998 „გზაჯვარედინი“
- 1999 „ბარაკი“
- 2013 „კუ! ქინ-ძა-ძა“
- 2018 „ოდესა“
ჯილდოები და აღიარება რედაქტირება
- 1995 — „ოქროს ვერძი“ ნომინაცია: წლის საუკეთესო პროდიუსერი (ფილმი „მოსკოვური არდადეგები“)
- 1999 — „ოქროს ვერძი“ მეორეხარისხოვანი როლისთვის ფილმში „ბარაკი“[3]
- 2000 — რუსეთის ფედერაციის სახელმწიფო პრემია კინოხელოვნების დარგში ფილმისათვის „ბარაკი“
- 2000 — რუსეთის კინოხელოვნების აკადემიის ეროვნული პრემია „ნიკა“ მეორეხარისხოვანი როლის საუკეთესო შესრულებისთვის ფილმში „ბარაკი“
- 2015 — რუსეთის კინოხელოვნების აკადემიის ეროვნული პრემია „ნიკა“ მამაკაცის როლის საუკეთესო შესრულებისთვის ფილმში „ჩემი ნახევარძმა ფრანკენშტეინი“
- 2021 — პრემია „ნიკა“ 2019 წლის საუკეთესო მამაკაცის როლისთვის ფილმში „ოდესა“
რესურსები ინტერნეტში რედაქტირება
შეგიძლიათ იხილოთ მედიაფაილები თემაზე „ლეონიდ იარმოლნიკი“ ვიკისაწყობში.- ლეონიდ იარმოლნიკი — კინოფილმების ინტერნეტ მონაცემთა ბაზა (ინგლისური)
- ლეონიდ იარმოლნიკი Twitter-ზე
- ლეონიდ იარმოლნიკი Instagram-ზე
- Леонид Ярмольник. Peoples რუს.
სქოლიო რედაქტირება
- ↑ Зайцева Т.. Леонид Ярмольник: «Свидетель на моих свадьбах был один», с. 10. 7days.ru. ციტირების თარიღი: 2013-12-06.
- ↑ 50 главных российских знаменитостей - Андрей Макаревич
- ↑ Церемония вручения Национальной премии кинокритики и кинопрессы "Золотой Овен". დაარქივებულია ორიგინალიდან — 2021-08-30. ციტირების თარიღი: 2021-08-30.