ისიტნოფრეტი

ისიტნოფრეტი იეროგლიფებში

ისიტნოფრეტი — ფარაონ რამსეს II-ის მეორე (ნეფერტარის შემდეგ) „მთავარი მეუღლე“. ერთ-ერთი ყველაზე ცნობილი დედოფალი. გახდა ფარაონის მთავარი მეუღლე ნეფერტარის სიკვდილის შემდეგ 24-ე წელს რამსესის მმართველობიდან.

რამსეს II-ის სამეფო ოჯახი, ზედა რეგისტრში მეორეა ისიტნფრეტი.

ბიოგრაფია

მისი წარმომავლობის შესახებ არაფერია ცნობილი. მის ქალიშვილს ბენტ-ანატს ჰქონდა სირიული სახელი, შესაძლოა ეს ხსნის მის წარმომავლობას. ისიტნოფრეტი გამოსახულია რამსეს II-თან ერთად კედელზე ასუანში, სადაც მოხსენიებულია მისი სახელი.

ცნობილია დედოფალ ისიტნოფრეტის 4 შვილი: უფროსი ქალიშვილი ბენტ-ანატი, პრინცი რამსესი, რამსეს II-ის ყველაზე ცნობილი ვაჟი ხაემუასი და მერნეპტაჰი, რომელმაც მამის და უფროსი ძმების სიკვდილის შემდეგ მიიღო ტახტი.

ტიტულები

• მემკვიდრე პრინცესა
• მეფის დედა
• ორი მიწის მბრძანებელი
• მეფის ცოლი
• მეფის მთავარი მეუღლე

რესურსები ინტერნეტში

• რამსეს II-ის ოჯახი დაარქივებული 2016-03-04 საიტზე Wayback Machine.