ილჰამა გულიევა
ილჰამა გულიევა (აზერ. Ilhama Guliyeva; დ. 17 აგვისტო, 1943, ქურდახანი, აზერბაიჯანის სსრ — გ. 25 თებერვალი, 2016, ბაქო, აზერბაიჯანი) — აზერბაიჯანელი მსახიობი და მომღერალი აზერბაიჯანული ხალხური და კლასიკური მუსიკის განხრით.[1] აქტიური მუსიკალურ-სასცენო მოღვაწეობის განმავლობაში, ილჰამა გულიევამ მოიპოვა წარმატება მუსიკის შესაბამის ჟანრში და მიიღო ისეთი სახელმწიფო დონის პრემიები, როგორიცაა აზერბაიჯანის სსრ-ის დამსახურებული არტისტი 1982 წელს, აზერბაიჯანის რესპუბლიკის სახალხო არტისტი 1998 წელს და დაღესტნის რესპუბლიკის სახალხო არტისტის წოდება 2007 წელს.
| ილჰამა გულიევა | |
|---|---|
| Ilhama Guliyeva | |
 | |
| ბიოგრაფია | |
| აგრეთვე ცნობილი როგორც | „პრიმადონა“, „თურქული სამყაროს ხელოვნების დედოფალი“ |
| დაბ. თარიღი | 17 აგვისტო, 1943 |
| დაბ. ადგილი | აზერბაიჯანის სსრ |
| წარმოშობა | ქურდახანი, აზერბაიჯანი |
| გარდ. თარიღი | 25 თებერვალი, 2016 (72 წლის) |
| გარდ. ადგილი | ბაქო, აზერბაიჯანი |
| დასაფლავებულია | საპატიო დაკრძალვის II ხეივანი ბაქოში |
| ეროვნება | აზერბაიჯანელი |
| ჟანრ(ებ)ი | კლასიკური; აზერბაიჯანული ფოლკლორი; მუღამი |
| საქმიანობა |
მუსიკოსი (მეცო კონტრალტო); მსახიობი |
| აქტიური | 1965–2016 |
| ილჰამა გულიევა ვიკისაწყობში | |
ბიოგრაფია
რედაქტირებაადრეული წლები და განათლება
რედაქტირებაილჰამა გულიევა დაიბადა 1943 წლის 17 აგვისტოს აზერბაიჯანის სსრ-ში, ქურდახანში. მისი დედა - თუკიზბან ისმაილოვა, პოპულარული აზერბაიჯანელი მომღერალი და ჰანენდე იყო, ხოლო მამა - მაზაჰირ გულიევი მუშაობდა პროკურორად ლანკარანში.მამის სამსახურის გამო, ილჰამა გულიევამ ცხოვრების ადრეული წლები ქალაქ შაკში გაატარა. ილჰამა ექვსი წლის იყო, როდესაც მისი მშობლები განქორწინდნენ. ილჰამა გულიევას დედა, რომელიც ბაქოში გადავიდა საცხოვრებლად, დაქორწინდა ცნობილ აზერბაიჯანელ ტარის მოთამაშეზე - ჰობიბ ბაირამოვზე, რომელიმაც მოგვინებით ილჰამას განათლებასა და კარიერის აწყობაში დიდი წვლილი შეიტანა.
ილჰამა ჯერ კიდევ პატარა იყო, როდესაც ფორტებიანოს შვიდწლიან სასწავლებელში ჩაირიცხა ბაქოში. მას შემდეგ, რაც გულიევამ სამუსიკო სასწავლებელი და დაწყებითი სკოლა დაასრულა, მას დიდი სურვილი გაუჩნდა მომავალი პროფესია მუსიკასთან რომ დაეკავშირებინა. მისი მშობლები ამის წინააღმდეგენი იყვნენ. მუსიკის სირთულეების გათვალისწინებით, ისინი ცდილობდნენ ქალიშვილის ინტერესის სფერო სხვა პროფესიაზე გადაეტანათ. 1960 წელს მან ჩააბარა აზერბაიჯანის სახელმწიფო უნივერსიტეტის ფილოლოგიის ფაკულტეტზე და შემდეგ წლებში მუსიკის გარეშე სწავლობდა. 1964 წელს ილჰამა გულიევამ დაამთავრა უნივერსიტეტი, მაგრამ როგორც ყველა ნიჭიერ ადამიანს, რომელსაც აქვს მაღალი მუსიკალური ინტელექტი, ახალგაზრდა გულიევა მაინც ვერ მოშორდა მუსიკას.
ადრეული მუსიკალური კარიერა
რედაქტირება1963 წელს ზინიატ ალიზადეას მხარდაჭერით, რომელიც მჭიდრო კავშირში იყო გულიევას ოჯახთან, იგი იწყებს უნივერსიტეტის პოპ ანსამბ ,,სევინჯ" გამოსვლებს. ვინაიდან გულიევას მშობლები კვლავ ავიწროვებდნენ მის მუსიკალურ გატაცებას, ის თავის საქმიანობას ოჯახისგან ფარულად ინახავდა. 1964 წელს მოსკოვში ჩატარდა ახალგაზრდა ნიჭიერების შეჯიბრი მთელი მსოფლიოს მასშტაბით. ქალბატონი ზინიატის თხოვნით, ილჰამა გულიევამ ოჯახისგან ნებართვა აიღო და მოსკოვში გაემგზავრა. მის ოჯახს ეგონა, რომ იგი ფესტივალზე მიდიოდა როგორც მაყურებელი. ყველასგან გასაოცრად, საერთაშორისო კონკურსის გამარჯვებული დამწყები მომღერალი, ილჰამა გულიევა გახდა. ბაქოში დარუნების შემდეგ კი ის აზერბაიჯანის სახელმწიფო ტელევიზიისა და რადიომაუწყებლობის კომპანიის (AzTV) ორკესტრში გამოსასვლელად მიიწვიეს.
გულიევას ლირიკული სიმღერების სერიამ ხელი შეუწყო აზერბაიჯანული მუსიკის ტრანსფორმაციას. 2000-იანი წლების მეორე ათწლეულის დასაწყისიდან გულიევა გახდა პატივსაცემი მოხუცი არტისტი აზერბაიჯანის მუსიკის დარგში და ახალგაზრდა მუსიკოსებმა დაიწყეს მისი სიმღერების ახალი ვერსიების შექმნა, სწორედ იმ სიმღერების, რომლებსაც გულიევა წარსულში მღეროდა.
პირადი ცხოვრება
რედაქტირებაილჰამა გულიევამ ოჯახი შექმნა ფაიგ მირმოსუნოვთან ერთად გასული საუკუნის 80-იან წლებში. ამ ძალიან მოკლე ქორწინების პერიოდში მან მეუღლის გვარი მიიღო. ამასთან, ის მალევე განქორწინდა და თავის თავდაპირველ, მშობლიურ გვარს დაუბრუნდა. გულიევამ შვილი იშვილა - ორხან ნადიროვი, რომელსაც ამტკიცებენ, რომ გულიევას დეიდის შვილიშვილია.
რესურსები ინტერნეტში
რედაქტირება- Axşam.az. "İlhamə Quliyevanın ad günüdür". . (აზერბაიჯანულად)
- Rzazadə, Ülvi. "Həyatla ölüm arasında dayanan İlhamə Quliyeva". (აზერბაიჯანულად)
- Babayev, Bəxtiyar. "İlhamə Quliyeva 36 il əvvəl" (აზერბაიჯანულად)
- İlhamə Quliyevaya "Xalq artisti" fəxri adının verilməsi haqqında[მკვდარი ბმული]Azərbaycan Respublikası Prezidentinin 24 may 1998-ci il tarixli, 712 nömrəli Fərmanı.[მკვდარი ბმული] (აზერბაიჯანულად)