ზემო ნიქოზის ღვთაების ტაძრის წარწერები
ზემო ნიქოზის ღვთაების ტაძრის წარწერები — ორი ძველი ქართული ასომთავრული წარწერა გორის მუნიციპალიტეტის სოფელ ზემო ნიქოზის ღვთაების ტაძარზე.
პირველი წარწერა რედაქტირება
წარწერა ორსტრიქონიანია:
- წო სმო ზრა
- პრლეპკი შე [1]
ანუ:
- წმიდაო სამებაო, ზაქარია
- პირველეპისკოპოსი შეიწყალე
დახასიათება რედაქტირება
პალეოგრაფიული თვალსაზრისით წარწერა არქაულია. შ ასოს ზემოთა რკალი შეკრულია, ასევე შეკრულია წ გრაფემის ორივე რკალი. ქარაგმის ნიშნები არ გვხვდება.
დათარიღება რედაქტირება
სპეციალისტთა აზრით წარწერა V საუკუნისაა.
მეორე წარწერა რედაქტირება
წარწერა ამოკვეთილია საყდრის სამხრეთ ფასადზე. დაზიანებულია. წარწერა სამსტრიქონიანია:
- ...ეპი
- სკპზმნ აღვ
- შნე წჲ ეკლსჲ [2]
ანუ:
- ...ეპი–
- სკოპოზმან აღვ–
- აშჱნე წმიდაჲ ეკლესიაჲ
დახასიათება რედაქტირება
პალეოგრაფიული თვალსაზრისით წარწერას ახასიათებს გრაფემების გაკუთხოვნება.
დათარიღება რედაქტირება
სპეციალისტთა აზრით, წარწერა X საუკუნისაა.
იხილეთ აგრეთვე რედაქტირება
ლიტერატურა რედაქტირება
- კორნელი დანელია, ზურაბ სარჯველაძე. ქართული პალეოგრაფია. თბ., 1997, გვ. 5–98