ზაზა მაზმიშვილი

ზაზა ნოდარის ძე მაზმიშვილი (დ. 30 ივლისი, 1963, თბილისი) — ქართველი გენერალ-მაიორი (1999).

ბიოგრაფია

1986 წელს დაამთავრა სპი-ის სატრანსპორტო ფაკულტეტი. 1988 წლიდან სახელმწიფო უშიშროების ორგანოების თანამშრომელია. 1991-1993 წლებში მუშაობდა საინფორმაციო სადაზვერვო, 1994-1998 წლებში სახელმწიფო დაცვის სპეციალურ სამსახურებში. 1998-1999 წლებში იყო საქართველოს სუს-ის ტერორიზმის წინააღმდეგ ბრძოლის, 1999-2004 წლებში სამხედრო კონტრდაზვერვის სამსახურების უფროსი. შსს-ს სახელმწიფო უსაფრთხოების დეპარტამენტის ოფიცერი უშიშროების საკითხებში, სამმართველოს უფროსი (2013 წლიდან).

ჯილდოები და მედლები

დაჯილდოებულია:

• ვახტანგ გორგასლის III ხარისხის ორდენით (2002).

რესურსები ინტერნეტში

• ლ. დოლიძე, ენციკლოპედია „საქართველო“