ვენერა და მარსი არის იტალიელი რენესანსის ეპოქის დროინდელი მხატვრის, სანდრო ბოტიჩელის , ერთ-ერთი შედევრი. იგი შეიქმნა სავარაუდოდ 1485 წელს და რმაელი ღმერთების, ვენერა-სიყვარულის ქალღმერთისა და მარსის-ომის ღმერთის, ალეგორიულად წარმოადგენს სილამაზესა და სიმამაცეს. ნახატზე ვხედავთ ტყეში წამოწოლილ ახალგაზრდა წყვილს და მათ გარშემო ოთხი პატარა ფავნი  თამაშობს.

ვენერა და მარსი, გ. 1485 წ. ტემპერა და ზეთი ალვის პანელზე, 69 სმ x 173 სმ. [1] ეროვნული გალერეა, ლონდონი

ეს კონკრეტული ნახატი სავარაუდოდ ქორწილის აღსანიშნავად შეიქმნა, ახლად დაოჯახებული წყვილის საძინებლის გასაფორმებლად. ამის დასკვნა ნამუშევრის დიდი ფორმატისა და ფიგურების ახლო ხედებიდან გამომდინარე შეგვიძლია. ბოტიჩელის ამ შედევრს აღიქვამენ, როგორც სიყვარულის იდეალურ პრეზენტაციად.

ჩვილის ფავნი და პეიზაჟი
მარსი, მახვილის ბუდით მარჯვნივ

სცენაზე წარმოდგენილია ვენერა, რომელიც უყურებს ჩაძინებულ მარსს, ამ დროს სამი ფავნ    ი ერთობა აღჭურვილობით, მეოთხე კი საყვირით წარუმატებლად ცდილობს  მძინარე მარსის გაღვიძებას. აშკარაა, მხატვარი ცდილობს მიგვანიშნოს რომ წყვილს სექსუალური კავშირი ჰქონდა დამყარებული, ხოლო აქტის შემდეგ მამაკაცის ჩაძინება იტალიური რენესანსის ქორწილების კონტექსტში ხუმრობა იყო. შუბზე წამოცმული ნიჟარა შეიძლება აღვიქვათ, როგორც სექსუალური სიმბოლო. წინა პლანზე ჩანს კრაზანები, რომლებიც დაფრინავენ მარსის თავთან. შეიძლება ვივარაუდოთ, ეს ყველაფერი აღვიქვათ სიმბოლურად, რომ სიყვარული ხშირად. არსებობს ვარაუდი, რომ ამ ნახატის დამკვეთი შეიძლება ყოფილიყო ვესპუჩების ოჯახი . ისინი იყვნენ ბოტიჩელის მეზობლები მისი ბავშვობიდან. როლანდ ლაითბოუნი მარსს აღწერს, როგორც ბოტიჩელის ყველაზე სრულყოფილი შიშველი მამაკაცი.  ვენერა აქ, ვენერას დაბადებისგან განსხვავებით, სრულად შემოსილია, რადგან ის ცოლქმრულ რეჟიმშია. ამის მიუხედავად, ვენერა ვულკანის მეუღლეა, რაც ადამიანთა თვალთახედვიდან გამომდინარე მრუშობად აქცევს ამ ურთიერთობას.

იმის მიუხედავად, რომ მთლიანობაში სურათი უმშვენიერესია, მთავარი ობიექტების სხეულებში შევამჩნევთ ანატომიურ არასწორობას. მაგალითად, თუ დავაკვირდებით ვენერას მარჯვენა ფეხს, იგი თითქმის არ ჩანს ნაჭრის ქვეშ, თითქოს საერთოდ გამქრალია. რაც შეეხება მარს, მისი მარცხენა მკლავი უჩვეულოდ ამოზნექილია, ხოლო მარცხენა ფეხი მარჯვენაზე მოკლეა. შესაძლოა ეს შეცდომები უნებლიედაა დაშვებული ან მხატვარმა ეს განზრახ გააკეთა, რათა სურათის კომპოზიცია უკეთესი ყოფილიყო.   

ფლორენციის მაღალი საზოგადოების წამყვან ფიგურებს შემოთავაზეს რომ ყოფილიყვნენ ბოტიჩელის მრავალი ნახატის,ფიგურების მოდელები. ჯულიანო დი პიერო დე მედიჩის შესთავაზეს, რომ ყოფილიყო მარსის სპორტული მოდელი. პარალელურად ვენერას აქვს იმ დროის უდიდესი მშვენიერების სიმონეტა ვესპუჩის სახე, რომელიც დაქორწინებული იყო ამერიგო ვესპუჩის ბიძაშვილზე. ჯულიანო დი პიერო დე მედიჩის კანდიდატურა მარსისთვის გარკვეულწილად ტრაგიკული გამოდგა, რადგან იგი მოკლეს 1478 წელს.

პიერო დი კოზიმო, ვენერა, მარსი და კუპიდი, Gemäldegalerie, ბერლინი, გ. 1505 წ

ბოტიჩელი დღეს ყველაზე ცნობილი ფლორენციელი მხატვარია მე-15 საუკუნის მეორე ნახევრის, თუმცა მისი რეპუტაციის ზრდა მე-19 საუკუნეში დაიწყო როცა ყურადღება გამახვილდა მისი კონტურის შექმნის სტილზე. 1857-1878 წლებში ლონდონის ეროვნულ გალერეას მისი 5 ნამუშევარი შეემატა, მათ შორის „ვენერა და მარსი“. ეს ნახატი ფლორენციაში ინგლისელმა კოლექციონერმა ალექს ბარკერმა მიიტანა 1864-1869 წლებსში . ეს ბოტიჩელის ერთადერთი ნახატია, რომლის გაყიდვაც მოხერხდა. სხვა ყველა ნახატი აღმოჩნდა იუფიზის მფლობელობაში, ფლორენციის დიუკის. მიუხედავად იმისა რომ ვენერასა და მარსის სხვა ნახატებიც არსებობს, ბოტიჩელს უფრო ხშირად ადარებდნენ ფლორენციელ მხატვარს პიერო დი კოსიმოს, რომელმაც დახატა ვენერა, მარსი და კუპიდონი. ნახატი თარიღდება 1500 წლით და ის მოგვიანებით ეკუთვნოდა ჯიორჯიო ვასარის. ნახატებს შორის საერთოა მძინარე მარსისა და ფხიზელი ვენერას ფიგურების მოყვანილობა, ორივე ნახატში ჩანს ჩვილები რომლებიც მარსის ჯავშნით თამაშობენ, უკან კი პეიზაჟია. ამ ნახატებს შორის სხვაობა ატმოსფეროა და კიდევ სხვა რამდენიმე ასპექტი. პიეროს ვერსიაში ასევე ვნახავთ ჩვილ კუპიდონს, ღია ლანდშაფტს და მის საყვარელ რამდენიმე ცხოველს.

https://en.wikipedia.org/wiki/Venus_and_Mars_(Botticelli)

https://www.youtube.com/watch?v=jNkHq6QXX30