ველიკანოვის სახლი
ველიკანოვის სახლი (რუს. Особняк Великановой) — შენობა დონის როსტოვში. მდებარეობს ძველი ყაზანის ქუჩაზე (ამჟამად სერაფიმოვიჩის ქუჩა № 10). აგებულია 1884-1890 წლებში როსტოველი არქიტექტორების ნიკოლაი დოროშენკოსა და ნ. სოკოლოვის პროექტის მიხედვით[1]. ამჟამად შენობაში განთავსებულია მ. გრეკოვის სახელობის როსტოვის სამხატვრო ტექნიკუმი. ველიკანოვის სახლს გააჩნია რუსეთის ფედერაციის რეგიონალური მნიშვნელობის კულტურული მემკვიდრეობის ძეგლის სტატუსი[2].
| ველიკანოვის სახლი რუს. Особняк Великановой | |
|---|---|
 | |
| კოორდინატები | 47°13′02″N 39°42′06″E / 47.2173° ჩ. გ. 39.701675° ა. გ. |
| მდებარეობა | დონის როსტოვი |
| არქიტექტორი | ნიკოლაი დოროშენკო, ნ. სოკოლოვი |
| ტიპი |
 რუსეთის კულტურული მემკვიდრეობის ძეგლი |
| გახსნის თარიღი | 1884-1890 |
ისტორია
რედაქტირება1884-1890 წლებში როსტოველმა ვაჭარმა სემიონ ველიკანოვმა თავისი ქალიშვილისთვის ააშენა სახლი ყაზანის (ამჟამად სერაფიმოვიჩის) ქუჩაზე[1]. ამ სახლში იგი ცხოვრობდა თავის მეუღლესთან, მატვეი კირილეს ძე კოზლოვთან ერთად, რომელიც იყო ქალაქის საკრებულოს წევრი, სამთო ინჟინერი. სახლში იყო 28 ოთახი, სარდაფი და შადრევანი ეზოში[3].
საბჭოთა ხელისუფლების დამყარების შემდეგ მოხდა სახლის ნაციონალიზაცია. 1921 წელს შენობაში განათავსეს კარლ მარქსის სახელობის როსტოვის სახელმწიფო სახალხო ბიბლიოთეკა (ამჟამად დონის სახელმწიფო სახალხო ბიბლიოთეკა). ჟურნალისტი ბორის ოლენინი გაზეთ „Молот-ში“ წერდა:
|
„ველიკანოვის დინასტიის სახლში დასახლდნენ მნიშვნელოვანი ტომები, მუქი, თითქმის როგორც სამღვდელო სამოსი და რევოლუციის დასაწყისის ჟურნალები მჩქეფარე, ფერადი ცისარტყელას ფერადი ფერებივით.[3]“
|
1994 წელს ბიბლიოთეკა გადავიდა ახალ შენობაში პუშკინის ქუჩაზე, ხოლო ველიკანოვის სახლში განთავსდა მ. გრეკოვის სახელობის როსტოვის სამხატვრო სასწავლებელი.
სქოლიო
რედაქტირება- ↑ 1.0 1.1 Есаулов Г. В., Черницына В. А. Архитектурная летопись Ростова-на-Дону. — 2-е изд.. — Ростов-на-Дону, 2002. — С. 123. — ISBN 5-8456-0489-3.
- ↑ Ростов-на-Дону (объекты культурного наследия регионального значения). Официальный портал Правительства Ростовской области. ციტირების თარიღი: 2013-11-09.
- ↑ 3.0 3.1 Швецов С. Д. На высоком донском берегу: Очерки из прошлого Ростова. — Ростов, 1982. — С. 65—66.