ეკვილიბრიუმი

ეკვილიბრიუმი — საგანმანათლებლო მოძრაობა, რომელიც დაფუძნებულია 2012 წელს. იდეის ავტორი და ინიციატორია ეროვნული ბიბლიოთეკის გენერალური დირექტორი გიორგი კეკელიძე^[1].

მიზნები

საგანმანათლებლო მოძრაობის მიზანია საქართველოში წიგნიერების დონის ამაღლება. ეკვილიბრიუმი გულისხმობს სადისკუსიო სივრცეების შექმნას, რეგიონული, სასოფლო ბიბლიოთეკების წიგნადი ფონდით შევსებას, სოციალური საწარმოებების შექმნას, საგანმანათლებლო ღონისძებების გამართვას. ბოლო მონაცემებით ორგანიზაციამ, 400-მდე სოფელს გადასცა წიგნები და ქვეყნის გარეთ 15-მდე ბიბლიოთეკაში გახსნა ქართული წიგნის კუთხე.

რეგიონში, ეკვილიბრიუმი „სკვერის ბიბლიოთეკებს“ ე. წ. მინი-ბიბლიოთეკებს აწყობს, სადაც განთავსებული წიგნებით, ნებისმიერი მსურველი ისარგებლებს. მოქალაქეებს შეუძლიათ მათთვის სასურველი წიგნი წაიღონ და შემდეგ უკან დაააბრუნონ, სურვილის შემთხვევაში ახალი წიგნიც დატოვონ. ამგვარი მოდელი მსოფლიოს წარმატებულ ქვეყნებშია გავრცელებული^[2]^[3].

ეკვილიბრიუმის პარტნიორებ არიან: საქართველოს პარლამენტის ეროვნული ბიბლიოთეკა; საქართველოს კულტურისა და ძეგლთა დაცვის სამინისტრო; რეგიონული მუნიციპალიტეტები; რუსთაველის თეატრი.

ჯილდო

2016 წელს მოძრაობა ეკვილიბრიუმი საზოგადოებრივი მაუწყებლის სახალხო გამოკითხვაში „წლის საუკეთესო“ (ნომინაცია „წლის ყველაზე მნიშვნელოვანი მოვლენა განათლებაში“) ხალხის რჩეული გახდა^[4].

გალერეა

ეკვილიბრუმის გუნდი
ანაკლიის ბიბლიოთეკა

რესურსები ინტერნეტში

სქოლიო

[edulive-1] „ეკვილიბრიუმი - სოფლის განახლებული ბიბლიოთეკები“ – წლის საგანმანათლებლო პროექტი

[qartli-2] დიცის საჯარო სკოლის სკვერში ბიბლიოთეკა გაიხსნა

[3] ეროვნულმა ბიბლიოთეკამ საქართველოს ქალაქებში წიგნების ორიგინალური ბუდეები განათავსა

[4] წლის საუკეთესო 2015, პროექტი „ეკვილიბრიუმი“

[1]

[2]

[3]

[4]