დარეჯან ვაშაკიძე

დარეჯან რაჟდენის ასული ვაშაკიძე (დ. 27 დეკემბერი, 1908, ბაქო, — გ. 8 ივნისი, 1993, თბილისი) — ქართველი მათემატიკოსი. პროფესორი (1968), საქართველოს მეცნიერების დამსახურებული მოღვაწე (1974).

დაამთავრა თბილისის სახელმწიფო უნივერსიტეტი (1929). იყო თბილისის ა. პუშკინის სახელობის სახელმწიფო პედაგოგიური ინსტიტუტის მათემატიკის სწავლების მეთოდიკის კათედრის გამგე (1968–1979). იკვლევდა ალბათობის თეორიის, მიახლოებითი ანალიზისა და მათემატიკის სწავლების მეთოდიკის საკითხებს.

ბიბლიოგრაფია

• მათემატიკური ანალიზის კურსი, ნაწ. 1–3, თბ., 1961–63.

ლიტერატურა

• ებანოიძე თ., ენციკლოპედია „საქართველო“, ტ. 3, თბ., 2014. — გვ. 197.