განათლების კლასიფიკაციის საერთაშორისო სტანდარტი

განათლების კლასიფიკაციის საერთაშორისო სტანდარტი (ინგლ. The Standard International Standard Classification of Education - შემოკლ, ISCED [აი-ეს-სი-ი-დი]) წარმოადგენს გაერთიანებული ერების განათლების, მეცნიერებისა და კულტურის ორგანიზაციის მიერ შემუშავებულ სტანდარტს სკოლის ტიპებისა და სასკოლო სისტემების საკლასიფიკაციოდ და დასახასიათებლად. სტანდარტი განასხვავებს სხვადასხვა დონეს. საერთაშორისო მასშტაბით ხსენებული სტანდარტი გამოდგება ქვეყნების, ან ქვეყნების მოქალაქეების განათლების დონის დასადგენად.

განათლების კლასიფიკაციის საერთაშორისო სტანდარტის ჩამოყალიბების ისტორია

განათლების კლასიფიკაციის საერთაშორისო სტანდარტი (ინგლ. International Standard Classification of Education) პირველად 1970-იან წლებში გამოიყენეს მსოფლიო მასშტაბით განათლების სფეროში სტატისტიკის შემუშავების მიზნით.

სტანდარტი 1975 წელს ოფიციალურად მიიღეს ჟენევაში ჩატარებულ „განათლების მსოფლიო კონფერენციაზე“ (International Conference on Education), ხოლო 1978 წელს, პარიზში იგი მიესადაგა პედაგოგიური სტატისტიკების ე.წ. ნორმირებებს.

დროთა განმავლობაში, მრავალმხრივი განათლების გაზრდილ შესაძლებლობათა გამო გაჩნდა სხვა ადაპტაციების საჭიროებაც.

ახლანდელი განათლების კლასიფიკაციის საერთაშორისო სტანდარტის ხელახლა შემუშავებული ვერსია მიიღეს 2011 წლის ნოემბერში იუნესკოს გენერალური კონფერენციის 36-ე სხდომაზე და მომდევნო წლებში იგი გამოდგება საერთაშორისო მასშტაბით მთავარ ოფიციალურ საზომად განათლების სისტემათა შედარების საქმეში.

განათლების კლასიფიკაციის საერთაშორისო სტანდარტი - 97

ნულოვანი დონე (სკოლამდელი აღზრდა)

ნულოვანი დონე მოიცავს სკოლამდელ აღზრდას (ინგლ. pre-primary education). სკოლამდელ აღზრდაში შედის ბავშვთა ბაღი და მოსამზადებელი კლასი. ასაკობრივად იგულისხმება 3/5-დან 5/7-მდე წლები.

პირველი დონე (საბაზისო განათლება)

საბაზისო განათლება (ინგლ. primary education, ანდა first step of basic education) - სასწავლო და სასკოლო ვალდებულება. ეყრდნობა კლასის მასწავლებელთა სისტემას, ანუ ცალკე მასწავლებელი ასწავლის კლასს უმეტეს საგნებს. უმეტეს საგნებს გარდა რელიგიისა და შრომისა.

რესურსები ინტერნეტში

(ინგლისური) * International Standard Classification of Education ISCED 1997
(ინგლისური) * Levels of education and training in the EU Labour Force Survey. Classification ISCED 1997 დაარქივებული 2013-06-17 საიტზე Wayback Machine.
(ინგლისური) * ISCEDmaps
(ინგლისური) * Levels of Education დაარქივებული 2013-01-04 საიტზე Wayback Machine.