ბისა

ბისა, კარეტა (ლათ. Eretmochelys), ქვეწარმავალი ზღვის კუსებრთა ოჯახისა. აქვს 85 სმ-მდე სიგრძის გულისებრი ჯავშანი. ზურგის ბაკანი მუქი მურა ან წაბლისფერია, ყვითელი ან მოვარდისფრო ლაქებითა და სხივებით მოხატული; მუცლის ფარი ყვითელია. ბისა გავრცელებულია ყველა ტროპიკულ და სუბტროპიკულ ზღვაში. იკვებება მოლუსკებით, ასციდიებით, ფეხსახსრიანებით, თევზებითა და ზღვის წყალმცენარეებით. წყლიდან მხოლოდ გამრავლების დროს ამოდის. დედალი ყოველწლიურად 100-ზე მეტ კვერცხს დებს. ბისას ბაკნის ძვლოვანი ფარებისაგან სხვადასხვა ნაკეთობა მზადდება, ხორცი ზოგან (მაგ., კაიმანის კუნძულები) დელიკატესად ითვლება. საკვებად იყენებენ ბისას კვერცხებსაც. ამის გამო იგი გაძლიერებული რეწვის საგანია.

ლიტერატურა რედაქტირება

ქსე, ტ. 2, გვ. 513-414, თბ., 1977.

ეს სტატია ფაუნის შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში.