ბაშობის ხიდი

ბაშობის ხიდი — ხიდი თურქეთში, სოფელ ბაშობაში. მაღალი, ვერტიკალური ბურჯები კლდეზეა ამოყვანილი. ხიდი მთლიანად თლილი ქვითაა ქვეხაზური ნაგები (გარდა გვიან შექმნილი ბურჯებისა). შემაკავშირებლად კირხსნარია გამოყენებული. სავალი ნაწილი ფილებითაა მოგებული.

სტატისტიკური მონაცემები: სიგრძე — 12 მ., სიგანე — 2,25 მ., ბორდიურის სიმაღლე — 55 სმ., ხოლო სიგანე — 24 სმ., ბურჯებს შორის მანძილი — 9,20 მ., ხიდის სიმაღლე ბორდიურის ჩათვლით — 6,70 მ.

ლიტერატურა

• ისტორიული ჭანეთის აღმოსავლეთ ნაწილში დაცული კულტურული მემკვიდრეობის ძეგლები (საფორტიფიკაციო ნაგებობები, ეკლესიები, საკომუნიკაციო და საყოფაცხოვრებო არქიტექტურის ნიმუშები), ბათ., 2014, გვ. 65-66.