ბაბუაწვერას ღვინო
რეი ბრედბერის რომანი
ბაბუაწვერას ღვინო (ინგლ. Dandelion Wine) — ამერიკელი მწერლის, რეი ბრედბერის რომანი, რომელიც პირველად 1957 წელს გამომცემლობა „Doubleday“-მ გამოსცა. ბრედბერის სხვა ნაწარმოებებისგან განსხვავებით, „ბაბუაწვერას ღვინოში“ ნაკლებადაა გამოყენებული სამეცნიერო-ფანტასტიკური ელემენტები.
| „ბაბუაწვერას ღვინო“ | |
|---|---|
| Dandelion Wine | |
| ავტორი | რეი ბრედბერი |
| ქვეყანა | აშშ |
| ენა | ინგლისური |
| ჟანრი | რომანი |
| გამომცემელი | Doubleday |
| გამოცემის თარიღი | 1957 |
| მთარგმნელი | თამარ კოტრიკაძე |
| მედია | რბილი და მაგარი ყდები |
| გვერდი | 281 |
| oclc | 18280204 |
| მომდევნო | Farewell Summer და უბედურება ახლოვდება |
| ISBN | 0-553-27753-7 |
ნაწარმოების მოქმედება ვითარდება გამოგონილ ქალაქში, გრინთაუნში. რომანში აღწერილია 12 წლის დაგლას სპოლდინგის 1928 წლის ზაფხული. დაგლასი და მისი ძმა ტომი ზაფხულში ბაბუას ეხმარებიან ბაბუაწვერასგან ღვინოს დამზადებაში, საიდანაც წარმოსდგება ნაწარმოების სახელიც. რომანში ნათლადაა წარმოჩენილი ბავშვის თვალით დანახული სამყარო და ამ შეხედულებების თანდათანობითი ცვლა. ვარაუდობენ, რომ დაგლას სპოლდინგის პროტოტიპი თავად რეი ბრედბერია და ეს ნაწარმოები სწორედ მწერლის მოგონებებს ეფუძნება.