ალისე ბრაგა
ალისე ბრაგა მორაეში (პორტ. Alice Braga Moraes; დ. 15 აპრილი, 1983) — ბრაზილიელი მსახიობი და ფოტომოდელი. გამოჩნდა რამდენიმე ბრაზილიურ ფილმში, მათ შორის აღსანიშნავია ფილმები „ღმერთის ქალაქი“ (2002) და „ქვემო ქალაქი“ (2006). მიღებული აქვს მონაწილეობა აგრეთვე ჰოლივუდის ფილმებში: „მე ვარ ლეგენდა“ (2007), „მფატრავები“ (2010), „მტაცებლები“ (2010) და „რიტუალი“ (2011).
| ალისე ბრაგა | |
|---|---|
 ალისე ბრაგა 2008 წელს | |
| დაბადების სახელი | ალისე ბრაგა მორაეში |
| დაბადების თარიღი |
15 აპრილი, 1983 სან-პაულუ, ბრაზილია |
| საქმიანობა |
მსახიობი ფოტომოდელი |
| აქტიური | 1998–დღემდე |
ბიოგრაფია
რედაქტირებაალისე ბრაგა მორაეში დაიბადა ბრაზილიის ქალაქ სან-პაულუში. გაიზარდა კათოლიკურ ოჯახში.[1] დედამისი, ანა ბრაგა და დეიდა სონია ბრაგა აგრეთვე მსახიობები არიან და ალისე მათ ხშირად თან ახლდა გადასაღებ მოედანზე.[2] კარიერა დაიწყო სასკოლო და სარეკლამო გამოსვლებით. 8 წლის ასაკში პირველად გადაიღეს იოგურტის სარეკლამო რგოლში. სასაუბრო დონეზე ფლობს ესპანურ, პორტუგალიურ და ინგლისურ ენებს. 1998 წელს შედგა ალისე ბრაგას დებიუტი მოკლემეტრაჟიან ფილმში „ტრამპოლინი“. კინემატოგრაფში პოპულარული გახდა 2002 წლის ფილმით „ღმერთის ქალაქი“, სადაც შესრულებული როლისთვის მიენიჭა ბრაზილიის კინემატოგრაფიის მთავარი ჯილდო.
2006 წელს ბრენდონ ფრეიზერთან, მოს დეფთან და კატალინა სანდინო მორენოსთან ერთად ითამაშა ფილმში „მოგზაურობა ღამის ბოლოში“, რომლის პრემიერა გაიმართა ტრიბეკას საერთაშორისო კინოფესტივალზე. 2008 წელს გამოჩნდა დევიდ მამეტის ფილმში „წითელი ქამარი“.
ფილმოგრაფია
რედაქტირება| წელი | ქართულად | მშობლიური სახელწოდება | როლი | |
|---|---|---|---|---|
| 1998 | ფ | ტრამპოლიმი | Trampolim | კლაუდია |
| 2002 | ფ | ღმერთის ქალაქი | Cidade de Deus | ანჟელიკა |
| 2003 | ფ | ქვემო ქალაქი | Lower City | კარინა |
| 2003–2003 | ს | კარანდირუ, სხვა ისტორია | Carandiru, Outras Histórias | ვანია |
| 2006 | ფ | ღმერთმა იცის | Only God Knows | დოლორესი |
| 2006 | ფ | მოგზაურობა ღამის ბოლოში | Journey to the End of the Night | მონიკა |
| 2006 | ფ | ჩამონადენის სურნელი | Drained | ოფიციანტი |
| 2007 | ფ | ირმის ნახტომი | A Via Láctea | ჯულია |
| 2007 | ფ | რუმიკუბი | Rummikub | ფილა პაულისტა |
| 2007 | ფ | მე ლეგენდა ვარ | I Am Legend | ანა მონტესი |
| 2008 | ფ | წითელი ქამარი | Redbelt | სონდა ტერი |
| 2008 | ფ | სიბრმავე | Blindness | ქალი შავ სათვალეებში |
| 2009 | ფ | გადასასვლელი | Crossing Over | მირეია სანჩესი |
| 2010 | ფ | მფატრავები | Repo Men | ბეთი |
| 2010 | ფ | მტაცებლები | Predators | ისაბელი |
| 2011 | ფ | რიტუალი | The Rite | ანჟელინა |
| 2012–2012 | ს | ბრაზილიელები | As Brasileiras | მირტესი |
| 2012 | ფ | გზაზე | On the Road | ტერი |
| 2012 | ფ | ღმერთის ქალაქი: 10 წლის შემდეგ | City of God – 10 Years Later | საკუთარი თავი |
| 2013 | ფ | ელისეს მინდვრები | Elysium | ფრეი სანტიაგო |
რესურსები ინტერნეტში
რედაქტირება
სქოლიო
რედაქტირება- ↑ Alice Braga & Colin O'Donoghue Talk Devils, Exorcisms & Sir Anthony Hopkins. დაარქივებულია ორიგინალიდან — 2016-08-09. ციტირების თარიღი: 2012-07-01.
- ↑ Friedman, Roger (May 5, 2003). „Jimmy Fallon: Exiting Saturday Night Live?“. Fox News.