აისრიზენველტი
აისრიზენველტი (გერმ. Eisriesenwelt — „გიგანტური ყინულოვანი სამყარო“) — ყინულოვანი მღვიმე ავსტრიაში, ზალცბურგის მხარეში, ადგილ ვერფენის სიახლოვეს. მდებარეობს ტენენის ქედზე, ზღვის დონიდან 1656 მ სიმაღლეზე. მღვიმის საერთო სიგრძეა 42 კმ, სიღრმე 407 მ. გამომუშავებულია კირქვებში. ძველთაგანვე იყო ცნობილი მონადირეებისთვის, თუმცა ფაქტობრივად აღმოჩენილი იქნა 1879 წელს ნატურალისტის ანტონ პოსელტის მიერ, რომელმაც შეისწავლა მღვიმის პირველი 200 მეტრიანი მონაკვეთი. 1912 წლიდან დაწყებული მღვიმე შედარებით სრულად იქნა აღწერილი სპელეოლოგის ალექსანდერ ფონ მერკის მიერ, რომელიც პირველი მსოფლიო ომის დროს, კერძოდ, 1914 წელს დაიღუპა და მისი ნეშტი მოათავსეს აისრიზენველტის ერთ-ერთ ნიშში. დღეს აისრიზენველტი დასვენების პოპულარული ადგილია. განათებულია კარბიდის ნათურებითა და მაგნიუმის ჩირაღდნებით.
| აისრიზენველტი | |
|---|---|
| Eisriesenwelt | |
 აისრიზენველტი | |
| კოორდინატები: 47°30′11″ ჩ. გ. 13°11′25″ ა. გ. / 47.50306° ჩ. გ. 13.19028° ა. გ. | |
| ქვეყანა |  ავსტრია
|
| ტერიტორიული ერთეული | ზალცბურგის მხარე |
| აბსოლუტური სიმაღლე | 1656 მ |
| სიგრძე | 42000 მ |
| სიღრმე | 407 მ |
| აღმოჩენის წელი | 1879 |
| განათება | კარბიდის ნათურები მაგნიუმის ჩირაღდნები |
| ტიპი | ყინულოვანი მღვიმე |
| ამგებელი ქანები | კირქვა |
| საიტი | *ოფიციალური საიტი |
  | |
1920 წელს გაიმართა პირველი ექსკურსიები. მნახველებისთვის ღიაა ჩვეულებრივ, 1 მაისიდან 26 ოქტომბრამდე. ზვავური საშიშროების გამო ზამთარში მღვიმე დაკეტილია.