ათანასე ჯვარიშეიშვილი

ათანასე ჯვარიშეიშვილი (დ. 1864 — გ. 1927) — ქართველი პედაგოგი, ფილოლოგი. ქართველთა შორის წერა-კითხვის გამავრცელებელი საზოგადოების ნამდვილი წევრი (1899).

ბიოგრაფია

1889 წელს დაამთავრა ქალაქ ნიჟინის ისტორიულ-ფილოლოგიური ინსტიტუტი. იყო წერა-კითხვის გამავრცელებელი საზოგადოების ბათუმის განყოფილების წევრი (1916). 1920 წელს მიიწვიეს თბილისის სახელმწიფო უნივერსიტეტში ბერძნულის მასწავლებლად.

ლიტერატურა

• მ. ლილუაშვილი, საქართველოს დემოკრატიული რესპუბლიკა (1918–1921) : ენციკლოპედია-ლექსიკონი, თბ.: უნივერსიტეტის გამომცემლობა, 2018. — გვ. 546.