ფრიც ზუბერ-ბიულერი
ფრიც ზუბერ-ბიულერი (გერმ. Fritz Zuber-Bühler; დ. 6 ნოემბერი, 1822, ლე-ლოკლი, ნევშატელის კანტონი, შვეიცარია — გ. 23 ნოემბერი, 1896, პარიზი) — შვეიცარიელი მხატვარი აკადემიური კლასიციზმის სტილში.[1]
| ფრიც ზუბერ-ბიულერი | |
|---|---|
| დაიბადა | 6 ნოემბერი, 1822 |
| დაბადების ადგილი | ნევშატელის კანტონი, შვეიცარია |
| გარდაიცვალა | 23 ნოემბერი, 1896 (74 წლის) |
| გარდაცვალების ადგილი | პარიზი, საფრანგეთი |
| ეროვნება | შვეიცარიელი |
| სფერო | მხატვარი |
ბიოგრაფია რედაქტირება
თექვსმეტი წლის ასაკში ის გადავიდა პარიზში, სადაც იპოვა თავისი პირველი მასწავლებელი, ლუი გროსკლოდი. მოგვიანებით ის სწავლობდა ნატიფ ხელოვნებათა სკოლაში და შემდეგ დახვეწა თავისი ტექნიკური უნარები ფრანსუა-ედუარ პიკოსთან, რომელიც მიჰყვებოდა იმ თანამედროვე მხატვრების იმავე შტოს, როგორიცაა ლეონ პერო, ბუგერო და ალექსანდრე კაბანელი. ამის შემდეგ მან გარკვეული დრო გაატარა იტალიაში შთაგონების ძიებაში; შესაძლოა ბერლინშიც სწავლობდა. საზღვარგარეთ გატარებული ხუთი წლის შემდეგ ის დაბრუნდა პარიზში, სადაც დებიუტი შედგა სალონში 1850 წელს. ამის შემდეგ მან სალონებში გამოფინა სხვადასხვა მასალით (ზეთით, პასტელით და აკვარელით) შესრულებული ნამუშევრები.
მისი ნახატი „უდანაშაულობა“ გვიჩვენებს მის რომანტიკულ ხედვას გლეხის ბავშვებზე და მათ გარემოზე. ხატავდა მითოლოგიურ და რელიგიურ საგნებს, ასევე პორტრეტებს. ზუბერ-ბიულერმა გამოფენა მოაწყო შეერთებულ შტატებში პენსილვანიის სახვითი ხელოვნების აკადემიაში და მნიშვნელოვან წარმატებას მიაღწია. მისი გამოფენები იმართებოდა სალონში (პარიზი) 1891 წლამდე, ამ დროისთვის ევროპული აკადემიური ტრადიცია, რომელსაც იგი წარმოადგენდა, უკვე აყვავებული იყო. [2]
ნამუშევრების გალერეა რედაქტირება
რესურსები ინტერნტში რედაქტირება
