ლევან თაქთაქიშვილი
ქართველი კომპოზიტორი და პედაგოგი
ლევან თაქთაქიშვილი (დ. 15 აპრილი, 1949, თბილისი) — ქართველი კომპოზიტორი და პედაგოგი, საბჭოთა კავშირის კომპოზიტორთა კავშირის წევრი.
| ლევან თაქთაქიშვილი | |
|---|---|
 | |
| ბიოგრაფია | |
| დაბ. თარიღი | 15 აპრილი, 1949 (75 წლის) |
| დაბ. ადგილი | თბილისი, საქართველოს სსრ, სსრკ |
| საქმიანობა | კომპოზიტორი, პედაგოგი |
ბიოგრაფია რედაქტირება
1974 წელს დაამთავრა თბილისის სახელმწიფო კონსერვატორია კომპოზიტორის სპეციალობით ანდრია ბალანჩივაძის კლასით. 1974—1980 წლებში მუშაობდა გორის მუსიკალურ სასწავლებელში თეორიული საგნების პედაგოგად, 1980 წელს რუსთავის № 3 სამუსიკო სკოლაში გუნდის პედაგოგად. 1981—1984 წლებში რუსთავის თოჯინების თეატრის მუსიკალური ნაწილის გამგედ მუშაობდა. 1984 წლიდან თბილისის №26 მუსიკალური სკოლის პედაგოგი იყო. 1977 წლიდან იყო სვეტიცხოვლის მგალობელთა ანსამბლის რეგენტი. 1982-1983 წლებში მუშაობდა მცხეთის სასულიერო სემინარიის გალობის პედაგოგად და სამთავროს ეკლესიის მგალობელთა რეგენტად.
2007 წელს მუშაობდა რეგენტად სამების საკათედრო ტაძარში.
შემოქმედება რედაქტირება
- სიმფონია კამერული ორკესტრისთვის — 1974
- საფორტეპიანო კონცერტინო — 1973
- „კარიკატურა“ კამერული ორკესტრისთვის — 1972
- „თუშური ჩანატირი“ პოემა ქალთა გუნდისთვის — 1979
- ვოკალური ინსტრუმენტული ციკლი „ვედრება“ — 1977
- „გოლგოთა“ საგუნდო კანტატა სამ ნაწილად — 1981
- საფორტეპიანო ვარიაციები — 1971
- სასულე კვინტეტი — 1976
- „გოგოვ, გოგოვ შავთვალაო“ საგუნდო პოემა — 1986
- „მემუარები“ ქალთა კაპელისთვის — 1976
- საბავშვო მიუზიკლები
- „მეგობრები"“ — 1981
- „მუცელა„ — 1982
- „გულკეთილი თოჯინა“ — 1982
- „ტყის კომედია“ — 1986
- „იავნანამ რა ჰქმნა“ — 1989
- „ტრაბახა ყვინჩილა“ — 2005
- „დედა ენა“ — ბავშვთა კაპელისთვის — 1990 წელს მიღებული აქვს ი. გოგებაშვილის სახელობის პრემია.
- საბავშვო სიმღერები
- „ფრესკები“ საგუნდო ციკლი აკაპელა — 1987
- საეკლესიო კვერექსები და საგალობლები — 1976-2010
ლიტერატურა რედაქტირება
- თბილისის კომპოზიტორები და მუსიკათმცოდნეები, გვ. 336, თბილისი, 1984 წელი.