კარატის ჯვარი

კარატის ჯვარი — სალოცავი ახმეტის მუნიციპალიტეტში, მდებარეობს ნასოფლარ ჩიღოში.

სალოცავი გეგმით ოთხკუთხაა და ზემოთ ოდნავ შევიწროვებული მთლიანი მასის ნაგებობაა. ნაშენია ფიქლით - მშრალად. სამხრეთ წახნაგში, ერთი მეორის ზემოთ, მოწყობილია ორი პატარა ნიში. მსგავსი ერთი ნიშია აღმოსავლეთითაც. გადმოცემით სალოცავს დარბაზიც ჰქონდა. აქ სალოცავად ხევსურები მოდიოდნენ.

ლიტერატურა

• ხუციშვილი მ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 159.
• კიკნაძე ზ., ქართული მითოლოგია, თბილისი: ბაკმი, 2007. — გვ. 98, ISBN 978-99940-27-10-1.