გოდერძის უღელტეხილი
გოდერძის უღელტეხილი — უღელტეხილი საქართველოში. მდებარეობს აჭარის ავტონომიური რესპუბლიკის ხულოს მუნიციპალიტეტში, არსიანის ქედზე, მდინარე ქვაბლიანის მარჯვენა შენაკადის — ძინძისწყლის სათავეში. სიმაღლე ზღვის დონიდან 2025 მ. აგებულია ზედაოლიგიცენურ-ქვედამიოცენური ვულკანოგენური წყებით, რომელიც შეიცავს განამარხებულ ფლორას (ე. წ. გოდერძის წყება). გოდერძის უღელტეხილის კალთები ციცაბო და დანაწევრებულია. შემოსილია მეორეული სუბალპური მდელოებით.
| გოდერძის უღელტეხილი | |
|---|---|
 გოდერძის უღელტეხილი | |
| კოორდინატები: 41°37′54″ ჩ. გ. 42°30′36″ ა. გ. / 41.63167° ჩ. გ. 42.51000° ა. გ. | |
| ქვეყანა |  საქართველო
|
| ტერიტორიული ერთეული | ხულოს მუნიციპალიტეტი |
| სიმაღლე | 2025 მ |
| ქედი | არსიანის ქედი |
| გამავალი გზა | ბათუმი-ახალციხის საავტომობილო გზა |
| ამგებელი ქანები | ზედაოლიგიცენურ-ქვედამიოცენური ვულკანოგენური წყება |
| ფლორა | სუბალპური მდელოები |
  | |
 | |
გოდერძის უღელტეხილზე გადის ბათუმი-ახალციხის საავტომობილო გზა.
2012 წელს გოდერძის უღელტეხილზე სამთო-სათხილამურო კურორტის მშენებლობა დაიწყო, რომელიც 2015 წლის დეკემბერში დასრულდა. კურორტზე სასტუმროს ტიპის 6 კოტეჯია განთავსებული. საბაგირო გზის ყველაზე მაღალი ადგილი ზღვის დონიდან 2350 მეტრზეა.[1]
ლიტერატურა რედაქტირება
- უთმელიძე მ., ენციკლოპედია „საქართველო“, ტ. 2, თბ., 2012. — გვ. 74.
სქოლიო რედაქტირება
- ↑ აჭარაში ახალი სამთო-სათხილამურო კურორტი გოდერძი გაიხსნა დაარქივებული 2021-11-13 საიტზე Wayback Machine. , აჭარის ავტონომიური რესპუბლიკის - ტურიზმისა და კურორტების დეპარტამენტი, 7 დეკემბერი 2015, ციტირების თარიღი 12 ნოემბერი 2021.