Megadeth1983 წელს დაარსებული ამერიკული თრეშ მეტალ ჯგუფი ლოს-ანჯელესიდან, კალიფორნია. ჯგუფი დააარსეს ვოკალისტმა და გიტარისტმა დეივ მასტეინმა და ბასისტმა დევიდ ელეფსონმა მასტეინის მეტალიკიდან წამოსვლის შემდეგ. დაარსებიდან დღემდე ჯგუფმა გამოუშვა თექვსმეტი სტუდიური და ხუთი საკონცერტო ალბომი, აგრეთვე ორი EP, 44 სინგლი, ოცდაცამეტი მუსიკალური ვიდეო და ექვსი კომპილაციური ალბომი.

Megadeth

Megadeth 2010 წელს
ბიოგრაფია
წარმოშობა ლოს-ანჯელესი, კალიფორნია
ჟანრ(ებ)ი თრეშ მეტალი, მძიმე მეტალი, სპიდ მეტალი
აქტიური 1983–2002
2004–დღემდე
ლეიბლ(ებ)ი Combat, Capitol, Sanctuary, Roadrunner
წევრები დეივ მასტეინი
ჯეიმზ ლომენცო
ტეემუ მენტისაარი
დირკ ვერბურენი
ყოფილი წევრები იხ.:Megadeth-ის წევრები
საიტი www.megadeth.com
Megadeth ვიკისაწყობში

როგორც ამერიკული თრეშ მოძრაობის ერთ-ერთმა პიონერმა, Megadeth-მა მოიპოვა საერთაშორისო დიდება 80-იან წლებშივე და შეყვანილი იქნა თრეშ მეტალის დიდ ოთხეულში, მეტალიკის, სლეიერის და ანთრაქსის გვერდით, რომლებიც პასუხს აგებდნენ თრეშ მეტალის შექმნაზე, პოპულარიზაციასა თუ განვითარებაზე. ჯგუფმა ბევრი წევრი გამოიცვალა მასტეინის ალკოჰოლისა და ნარკოტიკებზე დამოკიდებულობის გამო. დაარსებიდან დღემდე მუდმივი წევრები მხოლოდ მასტეინი და ელეფსონი არიან. მიუხედავად ამ სირთულეებისა, ჯგუფმა შეძლო გამოეშვა ოქროსა და პლატინის ალბომები, მათ შორის პლატინის Rust in Peace 1990 წელს და გრემზე ნომინირებული მულტი-პლატინის Countdown to Extinction 1992 წელს. Megadeth დაიშალა 2002 წელს მასტეინის ნერვების და მარცხენა მხარის დაზიანების გამო, თუმცა აქტიური ფიზიო-თერაპიის კურსის შემდეგ მასტეინი გამოჯანმრთელდა და კვლავ შეკრიბა ჯგუფი 2004 წელს. მას მერე გამოუშვეს ალბომები: The System Has Failed და United Abominations (2007 წელს); ალბომები ბილბორდ 200-ში მე-18 და მერვე ადგილებზე მოხვდნენ. 2009 წლის 15 სექტემბერს ჯგუფმა გამოუშვა მეთორმეტე სტუდიური ალბომი Endgame, რომელმაც ბილბორდის საუკეთესო ალბომების ჩარტში მეცხრე ადგილი დაიკავა.

ჯგუფს 40-წლიანი აქტიურობის განმავლობაში 24 ოფიციალური წევრი ჰყავდა, თუმცა მასტეინი ყოველთვის რჩებოდა წამყვან ძალად და სიმღერების მთავარ ავტორად.

2023 წელს 6 სექტემბერს კიკო ლურერომ სოციალურ ქსელში გამოაცხადა, რომ ის მიმდინარე ტურნეზე ოჯახური პრობლემების გამო ვერ დაეხმარებოდა ბენდს და მის შემცვლელად ტეემუ მენტისაარი წარადგინა.[1] 28 ნოემბერს ლულერომ დაადასტურა ჯგუფიდან წასვლა.[2] ტეემუ უკვე ბენდის ოფიციალური წამყვანი გიტარისტი გახდა.

დისკოგრაფია რედაქტირება

რესურსები ინტერნეტში რედაქტირება

 
ვიკისაწყობში არის გვერდი თემაზე:

სქოლიო რედაქტირება

  1. Madarang, Charisma (6 სექტემბერი, 2023). „Megadeth's Kiko Loureiro Pulls Out of Tour, Temporary Replacement Announced“. Rolling Stone. ციტირების თარიღი: 1 დეკემბერი, 2023. შეამოწმეთ თარიღის პარამეტრი |access-date= და |date=-ში (დახმარება)
  2. „KIKO LOUREIRO Opens Up About His Decision To Leave MEGADETH“. BLABBERMOUTH.NET (ინგლისური). 29 ნოემბერი, 2023. ციტირების თარიღი: 1 დეკემბერი, 2023. შეამოწმეთ თარიღის პარამეტრი |access-date= და |date=-ში (დახმარება)
მოძიებულია „https://ka.wikipedia.org/w/index.php?title=Megadeth&oldid=4584762“-დან