მზეყვავილა
(გადამისამართდა გვერდიდან Helianthemum)
მზეყვავილა (ლათ. Helianthemum) — მცენარეთა გვარი საკმელასებრთა ოჯახისა. ერთი ან მრავალწლოვანი ბალახები, უფრო ხშირად ბუჩქბალახებია. საქართველოში ამ გვარის 9 სახეობა იზრდება. მათგან ერთი სახეობა (Helianthemum georgicum) საქართველოს ენდემია (გვხვდება მხოლოდ ქართლსა და მესხეთში), ერთი (Helianthemum buschii) — კავკასიისა (იზრდება დასავლეთ და ცენტრალურ იმიერკავკასიაში). დანარჩენი 7 ფართოდ არის გავრცელებული ხმელთაშუაზღვისპირეთის ქვეყნებში, სამხრეთ ევროპაში, მცირე აზიასა და ირანში. მზეყვავილა იზრდება მშრალ და ქვიან ფერდობებზე, კლდეებზე, აგრეთვე ბუჩქნარებს შორის მთის ქვედა სარტყლიდან ზედა სარტყლამდე.
| მზეყვავილა | ||||||||||||
|---|---|---|---|---|---|---|---|---|---|---|---|---|
 Helianthemum grandiflorum | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Helianthemum | ||||||||||||
| ||||||||||||
დეკორატიული და თაფლოვანი მცენარეებია. დიდი რაოდენობით შეიცავენ მთრიმლავ ნივთიერებებს.
ლიტერატურა რედაქტირება
- ხინთიბიძე ლ., ქართული საბჭოთა ენციკლოპედია, ტ. 6, თბ., 1983. — გვ. 658.