ჰუდსონის სრუტე
ჰუდსონის სრუტე (ინგლ. Hudson Strait, ფრანგ. détroit d'Hudson) — სრუტე ლაბრადორის ნახევარკუნძულსა და კუნძულ ბაფინის მიწას შორის. ჰუდსონის ყურეს აკავშირებს ატლანტის ოკეანესთან. სიგრძე დაახლოებით 806 კმ, სიგანე 115-407 კმ. საშუალო სიღრმე 200-600 მ. სამხრეთ-აღმოსავლეთით ფართოვდება და ქმნის უნგავის ყურეს. წელიწადში დაახლოებით 8 თვე ჩახერგილია მოდრეიფე ყინულით, რაც ართულებს ნაოსნობას. 1517 წელს პირველად ინახულა ზღვაოსანმა ს. კაბოტმა. სახელი დარქმეულია ჰენრი ჰუდსონის პატივსაცემად.
ლიტერატურა რედაქტირება
- ქართული საბჭოთა ენციკლოპედია, ტ. 11, თბ., 1987. — გვ. 693.