შალვა ავალიანი
შალვა ავალიანი (დ. 30 იანვარი, 1914, სარბევი — გ. 6 თებერვალი, 1998) — ქართველი გეოგრაფი, მეცნიერი, პედაგოგი.
| შალვა ავალიანი | |
|---|---|
| დაბ. თარიღი | 30 იანვარი, 1914[1] |
| გარდ. თარიღი | 6 თებერვალი, 1988[1] (74 წლის) |
| მოქალაქეობა |
 სსრკ |
| საქმიანობა | პედაგოგი, გეოგრაფი და მეცნიერი |
ბიოგრაფია
რედაქტირება1938 წელს დაამთავრა ქუთაისის პედაგოგიური ინსტიტუტის საბუნებისმეტყველო-გეოგრაფიული ფაკულტეტი გეოგრაფიის სპეციალობით.
მისი აკადემიური მოღვაწეობა დაიწყო ადრეულ ეტაპზე ჯერ კიდევ მესამე კურსიდან შეუდგა პედაგოგიურ საქმიანობას. კარიერის განმავლობაში მრავალფეროვანი გამოცდილება დააგროვა საგანმანათლებლო სფეროში. წლების მანძილზე მუშაობდა სხვადასხვა საშუალო სკოლაში, როგორც მასწავლებლის, ასევე დირექტორის პოზიციებზე. იგი ასევე იკავებდა მნიშვნელოვან თანამდებობებს ადმინისტრაციულ დონეზე. კერძოდ, იყო ქუთაისის რაიონის კულტურის განყოფილების ხელმძღვანელი. განსაკუთრებით აღსანიშნავია მისი მოღვაწეობა ქუთაისის საოლქო საბჭოს აღმასკომის განათლების განყოფილებაში, სადაც იგი მუშაობდა სასკოლო ინსპექტორად გეოგრაფიის მიმართულებით. 1976 წლიდან დაიწყო მისი აკადემიური კარიერა ქუთაისის სახელმწიფო უნივერსიტეტში, სადაც იგი მუშაობდა გეოგრაფიის კათედრის დოცენტის პოზიციაზე. 1960-1965 წლებში მან გაიარა ასპირანტურა. მისი აკადემიური მოღვაწეობის შედეგად, მას აქვს 60-მდე ნაშრომი გეოგრაფიის სწავლების მეთოდიკაში, რაც მის მნიშვნელოვან წვლილზე მეტყველებს ამ სფეროს განვითარებაში. 1981-1990 წლებში იგი აქტიურად იყო ჩართული საქართველოს გეოგრაფიული საზოგადოების ქუთაისის ფილიალის საქმიანობაში, სადაც სხვადასხვა დროს იკავებდა სწავლული მდივნის, თავმჯდომარის მოადგილისა და თავმჯდომარის პოზიციებს. მისი აკადემიური მიღწევების დასტურია პედაგოგიკის მეცნიერებათა კანდიდატის ხარისხი გეოგრაფიის სწავლების მეთოდიკაში და დოცენტის წოდება, რაც მის მაღალ პროფესიონალიზმსა ასახავს.
1969 წელს დაიცვა საკანდიდატო დისერტაციის თემა — „მოსწავლეთა დამოუკიდებელი მუშაობის ჩატარების მეთოდიკა ეკონომიკური გეოგრაფიის სწავლების პროცესში.“
ჯილდოები
რედაქტირება- სამკერდე ნიშანი „სახალხო განათლების წარჩინებული“
ბიბლიოგრაფია
რედაქტირება- პრობლემური სწავლება გეოგრაფიაში : მასწავლებელთა აგვისტოს თათბირები - ქუთაისი, 1977
- მოსწავლეთა დამოუკიდებელი მუშაობა : ეკონომიურ გეოგრაფიაში - თბილისი, განათლება, 1972 გვ. 222
ლიტერატურა
რედაქტირება- ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი თბ., 2003 გვ. 17-18