ფილიპი (ედინბურგის ჰერცოგი)
პრინცი ფილიპ მაუნტბატენი (ინგლ. Prince Philip Mountbatten, დ. 10 ივნისი, 1921, კორფუ, საბერძნეთი — გ. 9 აპრილი, 2021, უინძორის სასახლე, უინძორი, ინგლისი) — საბერძნეთისა და დანიის ყოფილი პრინცი, ედინბურგის ჰერცოგი (ინგლ. the Duke of Edinburgh), გაერთიანებული სამეფოს პრინც-კონსორტი (ოფიციალურად არ არის), ელისაბედ II-ის მეუღლე.
იყო საბერძნეთის მეფის გეორგ I-ის შვილიშვილი. 1947 წელს იქორწინა დიდი ბრიტანეთისა და ჩრდილოეთ ირლანდიის გაერთიანებული სამეფოს პრინცესა ელისაბედზე და აღმოსავლეთის მართლმადიდებელი ეკლესიის აღმსარებლობა ანგლიკანური ეკლესიით შეცვალა. დედოფალ ელისაბედსა და ფილიპს ოთხი შვილი შეეძინათ — სამეფო ტახტის პირველი მემკვიდრე ჩარლზი (უელსის პრინცი), ანა (სამეფო პრინცესა), ენდრიუ (იორკის ჰერცოგი) და ედუარდი (უესექსის ერლი). გარდაიცვალა 2021 წლის 9 აპრილს, 99 წლის ასაკში.[1]
ედინბურგის ჰერცოგი ფილიპი 2021 წლის 17 აპრილს, უინძორის სასახლეში მდებარე წმიდა გიორგის სამლოცველოში დაკრძალეს. ცერემონიას, კოვიდ შეზღუდვების გამო მხოლოდ სამეფო ოჯახის 30 წევრი ესწრებოდა.
ლიტერატურარედაქტირება
- Alexandra of Yugoslavia (1959). Prince Philip: A Family Portrait. London: Hodder and Stoughton.
- Boothroyd, Basil (1971). Prince Philip: An Informal Biography. New York: McCall. ISBN 0-841-50116-5
სქოლიორედაქტირება
- ↑ The official website of the Royal Family. www.royal.uk. 9 აპრილი, 2021.