ტომაზ პენგოვი
ტომაზ პენგოვი (სლოვენ. Tomaž Pengov; დ. 1948, ლიუბლიანა, სლოვენია, იუგოსლავია — გ. 10 თებერვალი, 2014, გოლნიკი, სლოვენია) — სლოვენი პოეტი, სიმღერების ავტორი, მომღერალი და გიტარისტი.
| ტომაზ პენგოვი | |
|---|---|
 ტომაზ პენგოვი 2005 წელს | |
| დაბადების სახელი | ტომაზ პენგოვი |
| დაბადების თარიღი |
1948 ლიუბლიანა სლოვენია იუგოსლავია |
| გარდაცვალების თარიღი |
10 თებერვალი, 2014 (66 წლის) გოლნიკი სლოვენია |
| სხვა სახელები | Pigl |
| ეროვნება | სლოვენი |
| საქმიანობა |
|
| აქტიური | 1973–2014 |
| ჟანრი | |
| ინსტრუმენტები |
|
| ლეიბლები |
|
| ასოციაციები |
|
ბიოგრაფია რედაქტირება
დაიბადა 1949 წელს, ლიუბლიანაში, სლოვენია, რომელიც მაშინ იუგოსლავიის შემადგენლობაში შედიოდა. ლიუბლიანის უნივერსიტეტის ხელოვნებისა და ფილოსოფიის ფაკულტეტზე სწავლობდა შედარებით ლიტერატურათმცოდნეობას და ეუფლებოდა შედარებითი ლიტერატურათმცოდნეობის თეორიულ საფუძვლებს.
შემოქმედებითი მოღვაწეობა რედაქტირება
ტომაზ პენგოვმა თავისი პირველი ალბომი სახელწოდებით — Odpotovanja 1973 წელს ჩაწერა. ამ ალბომს ყოფილ იუგოსლავიაში გამოშვებულ პირველ დამოუკიდებელ ალბომად მიიჩნევენ. იგი ხელახლა გამოიცა 1981 წელს სტერეო ხმის ფორმატით; თავდაპირველი მონო ფორმატის გამოცემა ამჟამად დიდ იშვიათობას წარმოადგენს. სიმღერის დროს იყენებდა რკინისსიმებიან აკუსტიკურ და თორმეტსიმიან გიტარას, ასევე, ლუთნას.
პენგოვის შემოქმედებას კრიტიკოსები მაღალ შეფასებას აძლევდნენ, რომელთა ნაწილი პენგოვის საშემსრულებლო სტილის ლეონარდ კოენის ადრეულ შემოქმედებასთან მსგავსებას აღნიშნავდა.
მისი მეორე ალბომი სახელწოდებით — Pripovedi (ინგლ. Stories) 1988 წელს გამოიცა, რომელზეც ის 1980 წლიდან რვა წლის განმავლობაში სხვადასხვა მოწვეულ მუსიკოსებთან ერთად მუშაობდა. ალბომზე წარმოდგენილი მუსიკა კვლავაც აკუსტიკურია, თუმცა, რამდენადმე განსხვავებული ჟღერადობით.
ოთხმოცდაათიანებში მან კიდევ ორი ალბომი გამოუშვა — Rimska cesta (ინგლ. Roman road) (1992) და Biti tu (ინგლ. Being here) (1996).
2011 წელს ტომაზ პენგოვმა გამოსცა თავისი ლექსების აუდიოწიგნი სახელწოდებით — Drevo in zvezda (ხე და ვარსკვლავი).
გარდაიცვალა 2014 წლის 10 თებერვალს 66 წლის ასაკში.[1]
დისკოგრაფია რედაქტირება
- Odpotovanja (ŠKUC, 1973 − LP mono) (ZKP RTVL, 1981 − LP stereo, kaseta) (Sraka, 1991 − CD)
- Napisi padajo / Črna pega čez oči (ŠKUC, 1978 − mala plošča)
- Pripovedi (ZKP RTVL, 1988 − LP, kaseta) (Sraka, 1992 − CD)
- Rimska cesta (Sraka, 1992)
- Biti tu (Sraka, 1996)
- Koncert (album, Tomaž Pengov) (Dallas Records, 2006)
- Drevo in zvezda (Sanje, 2011)
რესურსები ინტერნეტში რედაქტირება
- ტომაზ პენგოვი კინოფილმების ინტერნეტ-მონაცემთა ბაზაში
- Tomaž Pengov AllMusic-ზე
- Томаз Пенгов — КиноПоиск
- Odpotoval je Tomaž Pengov — RTV Slovenija
- Tihe so njive · Prišla je
| Odpotovanja (1973) · Pripovedi (1988) · Rimska cesta (1992) · Biti tu (1996) |
სქოლიო რედაქტირება
- ↑ MMC RTV SLO (10 თებერვალი, 2014). Umrl je kantavtor Tomaž Pengov, "popotnik s prašnih kolovozov" — V 66. letu starosti je umrl veliki slovenski kantavtor Tomaž Pengov. Svoj prvi album Odpotovanja, prvo neodvisno ploščo na območju nekdanje Jugoslavije, je pri založbi Škuc posnel leta 1973. rtvslo.si. წაკითხვის თარიღი: 27 მაისი, 2018.