ტარიელ ჟღენტი

ტარიელ ჟღენტი (დ. 23 თებერვალი, 1945, თბილისი — გ. 29 აგვისტო, 2023) — ქართველი და საბჭოთა სპორტსმენი (სასტენდო და ტყვიის სროლა). საბჭოთა კავშირის სპორტის დამსახურებული ოსტატი (1973).

ტარიელ ჟღენტი

პირადი ინფორმაცია
ეროვნება	ქართველი
დაბ. თარიღი	23 თებერვალი, 1945
დაბ. ადგილი	თბილისი, საქართველოს სსრ, სსრ კავშირი
გარდ. თარიღი	29 აგვისტო, 2023 (78 წლის)
გარდ. ადგილი	თბილისი, საქართველო
სპორტი
ქვეყანა	სსრ კავშირი  საქართველო
სპორტი	სპორტული სროლა
სახეობა	სასტენდო და ტყვიის სროლა
კლუბი	„ლოკომოტივი“ თბილისი
მწვრთნელი	ზურაბ მაჩხანელი (საბჭოთა კავშირის დამსახურებული მწვრთნელი)
ჯილდოები

ბიოგრაფია

ევროპის ორგზის ჩემპიონი პირად პირველობაში (1973, 1981) და ხუთგზის ჩემპიონი გუნდურ ჩათვლაში (1972, 1973, 1974, 1981, 1984). ორგზის მეორე პრიზიორი (1975, 1982 — ორივე გუნდურში), საბჭოთა კავშირის სამგზის ჩემპიონი (1968, 1978, 1983) და საბჭოთა კავშირის ხალხთა V სპარტაკიადის მესამე პრიზიორი (1971). მსოფლიოს ოთხგზის რეკორდსმენი. 1973 წელს დაამყარა მსოფლიოს აბსოლუტური რეკორდი (200 შესაძლებლიდან 200 ქულა). საქართველოს ნაკრების მთავარი მწვრთნელი (1984-იდან).

1971 წლის მაისში მოსკოვში გამართულ „ლოკომოტივის“ ცენტრალური საბჭოს პირველობაზე სასტენდო სროლაში უშეცდომოდ დაამსხვრია 46 წყვილი სამიზნე და ახალი საკავშირო რეკორდი დაამყარა.

1971 წელს დაამთავრა საქართველოს სასოფლო-სამეურნეო ინსტიტუტი. იგი წლების განმავლობაში მუშაობდა თბილისის ლიქიორ-არყის ქარხანაში. შემდეგ, გაერთიანება „კრისტალში“ მეღვინედ. იყო „მონკავშირის“ (თბილისი) წევრი.

2019 წელს მიენიჭა „სპორტის რაინდის“ საპატიო წოდება. გარდაიცვალა 2023 წლის 29 აგვისტოს, 78 წლის ასაკში.

ძირითადი შედეგები

წელი	ტურნირი	მასპინძელი	ადგილი
1971	მსოფლიო ჩემპიონატი	იტალია, ბოლონია	01 
1972	ევროპის ჩემპიონატი	ესპანეთი, მადრიდი	01 
1973	ევროპის ჩემპიონატი	იტალია, ორბასანო	01 
1973	ევროპის ჩემპიონატი	იტალია, ორბასანო	01 
1973	მსოფლიო ჩემპიონატი	ავსტრია, მელბურნი	01 
1974	ევროპის ჩემპიონატი	საფრანგეთი, ანტიბი	01 
1974	მსოფლიო ჩემპიონატი	შვეიცარია, ბერნი	01 
1975	ევროპის ჩემპიონატი	ავსტრია, ვენა	02 
1981	ევროპის ჩემპიონატი	სსრკ, მოსკოვი	01 
1981	ევროპის ჩემპიონატი	სსრკ, მოსკოვი	01 
1981	მსოფლიო ჩემპიონატი	არგენტინა, ტუკუმანი	03 
1982	ევროპის ჩემპიონატი	იტალია, მონტეკატინი	02 
1983	მსოფლიო ჩემპიონატი	კანადა, ედმონტონი	02 
1984	ევროპის ჩემპიონატი	ესპანეთი, სარაგოსა	01 

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 263.
• ენციკლოპედია „თბილისი“, თბ., 2002. — გვ. 745, ISBN 99928-20-32-2.
• ბერიშვილი, ელგუჯა., ქართული სპორტის ოქროს წიგნი, თბ.: პალიტრა L, 2013. — გვ. 164. 371 გვ.
• კალანდაძე ბ., ქართული ღვინისა და ალკოჰოლური სასმელების მატიანე, გვ. 378, თბ.: პეტიტი, 2008

პერიოდიკა

• მოწონელიძე, ჯ., ტარიელ ჟღენტის ოქრო // „ლელო“, 28 ივლისი, 1968, № 147 (3631), გვ. 2.
• მფრინავი თეფშების დიდოსტატი // „ლელო“, 8 იანვარი, 1974, № 5 (5035), გვ. 1.
• საქართველოს მესტენდურეების პირველი ადგილი და საკავშირო რეკორდი // „ლელო“, 27 მარტი, 1976, № 60 (5610), გვ. 1.
• თასი თბილისში. უკანასკნელი გასროლა სიბნელეში // „ლელო“, 30 მარტი, 1976, № 62 (5612), გვ. 1.
• ივდოშვილი, ო., მხოლოდ ორი კოლექტივი // „ლელო“, 26 აპრილი, 1979, № 79 (6390), გვ. 1.

რესურსები ინტერნეტში

• ტარიელ ჟღენტი — საქართველოს ბიოგრაფიული ლექსიკონი
• ტარიელ ჟღენტი — ბიოგრაფიული ლექსიკონი
• ტარიელ ჟღენტი — საქართველოს ბიოგრაფიული ლექსიკონი
• ტარიელ ჟღენტი — ქართული სპორტი