The Clash
The Clash — ინგლისური პანკ-როკ ჯგუფი, დაარსებული 1976 წელს. ის იყო ბრიტანული პანკის ტალღის ერთ-ერთი წარმომადგენელი. პანკის გარდა ჯგუფის მუსიკა შეიცავდა რეგის, სკას, დაბის, ფანკის, ჰიპ ჰოპის, საცეკვაო მუსიკისა და როკაბილის ელემენტებს. კარიერის დიდი ნაწილის განმავლობაში The Clash-ის წევრები იყვნენ ჯო სტრამერი (წამყვანი ვოკალი, რითმ გიტარა), მიკ ჯოუნსი (წამყვანი გიტარა, ვოკალი), პოლ სიმონონი (ბას გიტარა, დამხმარე ვოკალი, იშვიათად - წამყვანი ვოკალი) და ტოპერ ჰიდონი (დასარტყმელი საკრავები, პერკუსია). ჰიდონმა ჯგუფი დატოვა 1982 წელს, ერთი წლის შემდეგ კი შიდა უთანხმოების გამო ჯოუნსიც წავიდა. ჯგუფმა განაგრძო არსებობა ახალი წევრებით, მაგრამ 1986 წელს საბოლოოდ დაიშალა.
| The Clash | |
|---|---|
 ჯგუფი უკრავს ოსლოში, 1980 წელს. მარცხნიდან მარჯვნივ: ჯო სტრამერი, მიკ ჯოუნსი და პოლ სიმონონი. | |
| ბიოგრაფია | |
| წარმოშობა | ლონდონი, დიდი ბრიტანეთი |
| ჟანრ(ებ)ი | პანკ-როკი |
| აქტიური | 1976–1986 |
| ლეიბლ(ებ)ი | CBS |
| ყოფილი წევრები |
მიკ ჯოუნსი კით ლევინი პოლ სიმონონი ტერი ჩაიმზი ჯო სტრამერი რობ ჰარპერი ტოპერ ჰიდონი პიტ ჰოვარდი ნიკ შეპარდი ვინს უაიტი |
| საიტი | theclash.com |
| The Clash ვიკისაწყობში | |
The Clash-მა ბრიტანეთში კომერციულ წარმატებას მიაღწია პირველივე ალბომით The Clash. მესამე ალბომმა London Calling, რომელიც 1979 წელს გამოვიდა, ჯგუფს მოუტანა პოპულარობა აშშ-ში. ჟურნალმა Rolling Stone London Calling დაასახელა 80-იანი წლების საუკეთესო ალბომად.[1]
ჯგუფის პოლიტიზირებულმა ტექსტებმა, მუსიკალურმა ექსპერიმენტებმა და მეამბოხე პოზიციამ დიდი გავლენა მოახდინა როკ მუსიკაზე, განსაკუთრებით ალტერნატიულ როკზე. 2003 წელს The Clash შეიყვანეს როკ-ენ-როლის დიდების დარბაზში. 2004 წელს როლინგ სტოუნმა ჯგუფს 30-ე ადგილი მიანიჭა ყველა დროის 100 საუკეთესო შემსრულებლის სიაში.[2]
დისკოგრაფია რედაქტირება
სტუდიური ალბომები
- The Clash (1977)
- Give 'Em Enough Rope (1978)
- London Calling (1979)
- Sandinista! (1980)
- Combat Rock (1982)
- Cut the Crap (1985)
სქოლიო რედაქტირება
- ↑ Clash star Strummer dies (STM). Entertainment. BBC News World Edition (27 December 2002). ციტირების თარიღი: 20 November 2007.
- ↑ The Clash by The Edge. Rolling Stone Issue 946 (15 April 2004). დაარქივებულია ორიგინალიდან — 4 ნოემბერი 2010. ციტირების თარიღი: 5 ნოემბერი 2010.
