ჰურონები

ჰურონები — იროკეზულენოვანი ინდიელი ტომების კონფედერაცია. XVI საუკუნეში ცხოვრობდნენ კანადის ტერიტორიაზე, სიმკოსა და ჰურონის ტბების მახლობლად, 18 დიდი სოფელში. XVII საუკუნის დასაწყისისთვის დაახლოებით 30 000 კაცი იყო. მისდევდნენ სათოხნ მიწათმოქმედებასა და ნადირობას. 1949-59 წლებში გაანადგურეს იროკეზებმა. ნაწილი შევიდა იროკეზული ტომების შემადგენლობაში, ნაწილი სხვა ტომებში გაითქვიფა. მათი თანამედროვე შთამომავლები სახლობენ ლორეტვილის რეზერვაციაში. ასიმილირებულნი არიან კანადელ ფრანგებთან და საკუთარი ენა უკვე დაკარგული აქვთ.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 697.